زاھدان: چیریں ادارھانی دست ءَ یک مردمے بیگواہ

روکپتی بلوچستان ءِ دمگ زاھدان ءَ ایرانی چیریں ادارھاں یک مردمے آوار جنگ ءَ پد بیگواہ کتگ-

گیشیں اھوالانی رد ءَ گوستگیں روچ ءَ زاھدان چمران ءَ ایرانی لشکر ءَ دکاندارے لٹ ءُ کُٹ کنگ ءَ پد دزگیر کتگ ءُ گون وت برتگ-

آوار جنگ بیتگیں مردم ءِ پجار اسماعیل ریکی ء نظر ءِ نام ءَ زانگ بیتگ ءُ آ زاھدان ءِ جھمنند اِنت-

اھوالانی رد ءَ اسماعیل گُد ءِ دکاندارے ءُ آ گوستگیں روچ ءَ وتی مات ءِ ھمراھی ءَ بازار ءَ سامان زیرگ ءَ روگ ءَ بیتگ کہ ایرانی لشکر ءَ لٹ ءُ کُٹانی نشانگ کتگ ءُ گوں وت برتگ –

زانگ بہ بیت روکپتی بلوچستان ءِ بنجاھی شھر زاھدان ءَ جمعہ خونین ءَ یک سالے پِر گوزگ ءَ پد اود ءَ مردم کُشگ بیتگیں مردمانی یات ءَ روانک کشگ ءُ زھرشانی کنگ ءَ دلمانگ اَنت ءُ چریشی ءِ سبب ءَ اود ءَ گیشتر مردماں ترسینگ ءُ روانک ءُ زھرشانیاں بھر نہ زورگ گوشگ ءَ اَنت-

زانگ بہ بیت گوستگیں روچ ءَ زاھدان ءَ بازیں کچے ءَ پھزداری ءَ پھزدار سر بیتگ اَنت کہ آیانی توک ءَ جتا جتائیں دگانی سر ءَ نگاھداری کنگ ءَ اَنت-