بلوچستان ءِ بُنجاھی شھر شال ءَ اِنت کہ پاکستانی پوج ءَ چار مردم زورانسری آوار جتگ ءُ بیگواہ کتگ اَنت ناشناسیں جاھے ءَ برتگ اَنت-
آوار جنگ ءَ پد بیگواہ کنگ بیتگیں مردمانی تہ ءَ سے ءِ پجّار اسلم مری ء فیض محمد مری، خالق مری ء جمعہ خان مری ءُ لیاقت مری ء دوست محمد مری نام ءَ چہ بیتگ اَنت-
اِھوالکارانی رِد ءَ مروچی سُھب ءَ پاکستانی پوج ءَ شال ءِ دمگ نیوکاھان ءَ مزنیں کچے ءَ انگر ءَ کتگ لوگ لوگ ءَ پٹ پول کنگ ءَ پد اے مردم آوار جتگ بیگواہ کتگ اَنت-
زانگ بہ بیت بلوچستان ءَ چُشیں روچے نہ اِنت کہ مردمانی زورانسری آوار جنی ءِ دْرچ برجاہ نہ اِنت دومی نیمگ ءَ بلوچ بیگواھیں مردمانی ھاتر ءَ توار چست کنوکیں گل وائس بلوچ مسنگ پرسنز ءِ شال پریس کلب دیم ءَ زھرشانی ئیں بُنجل ءَ پنچ ھزار یک سد ءُ ھشتاد یک روچ سرجم اِنت بلے آوار جنی ءِ تہ ءَ ھچ کمی آھگ ءَ نہ اِنت روچ پہ روچ گیشی آھگ ءَ اِنت-