عامر خان، سنی دیول ءُ ڈائریکٹر راجکمار سنتوشی ءِ ھواری ءَ جوڑ بوکیں تامر ءِ اکس کشی تاں جنوری ءَ مھتل بیتگ

عامر خان ءَ سوجکار راجکمار سنتوشی ءِ ھمراھی ءَ دو تامرانی جوڑ کنگ ءِ کول کتگ کہ آیانی تہ ءَ عامر خان بنجاھی کرد ءَ پیلو کنت ءُ دومی ءِ تہ ءَ بس پروڈیوسری دروشم ءَ اِنت –

شوبز ویب سائٹ پنک والا ءِ رِد ءَ عامر خان ءُ راجکمار وتی اے کسہ ءَ جوانیں وڑے ءَ چارگ ءُ پگر کنگ ءَ انت –

دومی نیمگ ءَ سنی دیول ءُ راجکمار ءَ بازیں وھدے بیت کہ ھواری ءَ کار کنگ ءِ درگت ءَ باوست انت ءُ عامر خان ءِ پروڈیوسری ءَ اے تامر شنگ بوگی انت – اے ھر سَے ھمے سال ءِ دسمبر ءَ یا دیم سال ءِ جنوری ماہ ءَ وتی تامر ءَ بندات کنگ ءِ واھگ ءَ دارگ ءَ انت –

ھمے گمان کنگ بوگ ءَ انت کہ ھواری ءَ کارکنگ ءِ گڈی جار سنی دیول ءِ شست ءُ ششمی بوتن ءِ روچ ءَ بزاں نوزدہ اکتوبر ءَ جنگ بیت –

پنک والا ءَ نبشتگ کہ عامر خان سنتوشی ءُ سنی ءَ گوستگیں بیگاہ ءَ تاں دیراں گند ءُ نند ھم کتگ ءُ آ ھرچ کشی ءُ شوٹنگ ٹائم لائن ءِ درگت ءَ ھر سئیںناں یک گپے ءِ سر ءَ تپاک کتگ – ھمے امیت کنگ بوگ ءَ انت کہ میراتھن ءِ اکس کشی جنوری ماہ ءَ بندات کنگ بیت اِنت –

دومی نیمگ ءَ عامر خان آر ایس پرسانا ءِ سوجکاری ءَ جوڑ بوکیں تامر چمپئنز نیمگ ءَ واتر رؤگ ءَ تیار انت ـ اے تامر دیم ءِ سال ءَ دوھزار ءُ بیست ءُ چار ءِ دسمبر ماہ ءَ کرسمس ءِ وھد ءَ شنگ کنگ بیت اِنت – دیم ءِ سال ءِ جنوری ماہ ءَ عامر خان وتی چُک ایرا ءِ آروس ءَ پد تامر ءِ جوڑ کنگ ءَ بندات کنت اِنت –