عراق ءَ آروسی مراگشے ءَ پٹاسکانی سبب ءَ آس ءِ کپگ ءَ سد ءَ چہ گیش مردم بیران

سر بیتگیں اھوالانی رد ءَ عراق ءَ یک آروسی مراگشے ءَ پٹاسکانی سبب ءَ آس ءِ کپگ ءَ سد ءَ چہ گیش مردم بیران بیتگ اَنت ءُ یک سد ءُ پنجاہ مردم زدگ بیتگ اَنت-

برتانیہ ءِ ھال سر کنوکیں روئٹرز ءِ رد ءَ چار شمبے ءِ سھب ءَ عراق ءِ استان نینویٰ ءِ ھند ھمدانیہ ءِ ڈپٹی گورنر حسن العلق ءَ یک سد ءُ سیزدہ مردمانی بیرانی ءِ ھال راست کتگ- بلے سرکاری رسانکدراں بیرانیانی کچ سد اَنت ءُ زدگ بیتگیانی یک سد ءُ پنجاہ اَنت-

سرکاری رسانکدر ءِ رد ءَ دمگی شھری پھریزی ءِ گوشگ اِنت مراگش ءِ وھد ءَ شاتکامی ءِ وھد ءَ بیوکیں پٹاسکجنی ءَ ایونٹ ءِ ھال ءَ ناگتی آس کپتگ –

سی ءُ چار سالی ئیں عماد یوھانہ ءَ گوشتگ کہ ما آس چست بوگ ءَ دیستگ ءُ ڈن ءَ برانزے دراتکگ ءُ ھرچی دراتک بیتگ دراتکگ ءُ ھرچی نہ بیتگ گڑا ھمود ءَ پس اتگ-

وئیل جاہ ءَ روئٹرز ءِ اھوالکار ءِ نیمگ ءَ تامر بند ءَ گندگ بیت اِنت کہ آس ءِ کشوک ماڑی ءِ ستکگیں دیوال ءَ درکپگ ءَ اِنت –

سرکاری رسانکدر ءِ گوشگ اِنت بنداتی سرپدیاں ھمے گمان بوگ ءَ اِنت ماڑیاں گیر بند ءُ ساچی مواد جوڑ کنگ بیتگ چریشی ءِ سبب ءَ زوت ءَ زوت ماڑی ستکگ –

سرکار ءِ درشانانی رد ءَ وفاقی عراق ءِ واکدار ءُ عراق ءِ نیم وت واکیں کردستان ءِ دمگاں چہ ایمبولینسز ءُ درمان کنوک روان دیگ بیتگ اَنت-

وئیل جاہ ءَ.جاڑیگیں مردمانی رد ءَ وئیل شپ ءِ ساھت دَہ بج ءُ چل ءُ پنچ ءَ پیش اتکگ کہ اود ءَ سدانی ھساب ءَ مردم جاڑیگ بیتگ اَنت-