ھب ءَ مبارک قاضی ءِ یات ءَ ڈیوا روک کنگ بوتگ

شائر آشوب مبارک قاضی ءِ یات ءَ ھب ءَ ڈیوا روک کنگ بوتگ ءُ روانک کشگ بوتگ-

بلوچی زبان ءِ نامی ئیں گُشندہ استاد حمید شریف، نور محمد نورل ءَ وتی سر ءَ شائر ءُ ادیب مبارک قاضی دروت ندر کتگ-

گیشیں ھالانی رِد ءَ ھب ءِ مردمانی نیمگ ءَ چہ بلوچ راجی نامی ئیں شائر مبارک قاضی ءِ یات ءَ لسبیلہ پریس کلب ءِ دیم ءَ مراگشے برجم داشتگ ، چریشی ءَ گلزر گچکی ، نور محمد نورل ، استاد حمید شریف، عبداللہ بلوچ ، نعیم مومن ، فضل ءُ عارف بلوچ ءَ ھوار مزنیں کچے ءَ جنین ءُ مردیناں بھر زرتگ-

مراگش ءِ بندات لسبیلہ پریس کلب ءَ چہ روانک ءِ دروشم ءَ کنگ بوتگ کہ پریس کلب ءَ چہ بندات بیتگ بُنجاھی آر سی ڈی شھدگ آمیدگس دگ ءَ روان تاں لسبیلہ پریس کلب ءِ دیم ءَ مُچ بوتگ اَنت ءُ ڈیوا روک کنگ بوتگ وھدے کہ بلوچ گُشندہ استاد حمید شریف، نور محمد نورل، صابر آزاد، سمیر بلوچ ءَ ھوار دگراں مبارک قاضی ءِ شائری یے سر ءَ آ دروت ندر کتگ- مراگش ءَ عارف بلوچ، قندیل بلوچ، استاد حمید شریف، نعیم مومن، سنگت صابر آزاد، گلزار گچکی، نیشنل پارٹی ءِ راھشون چئیرمین واحد رحیم بلوچ، چیئرمین عمران بلوچ، لسبیلہ بار ایسوسی ایش ءِ گوستگیں صدر ایڈوکیٹ غلام رسول انگاریہ، گوستگیں جنرل سیکرٹری ایڈووکیٹ عبدالوھاب بزنجو، ایڈووکیٹ شاہ بخش بگٹی، عبداللہ بلوچ، اسرار بلوچ، رحیم بلوچ، سغیر احمد بلوچ ءَ ھوار نودربر گلاں، وکیل ءَ ھوار شھریاں مزنیں کچے ءَ بھر زرتگ-

زھرشانی کنوکاں آ دروت ندر کتگ گوشتگ کہ آئی ءَ وتی لیکہ ءُ شائری مردماں تاں سر کتگ اَنت-