بلوچ نامداریں اکسکار کمانچر بلوچ ءِ اکسانی ایگزیبیشن ’بلوچستان اِن فریمز‘ دومی روچ ءَ برجاہ

بلوچستان ءِ بنجاھی شھر شال ءَ بی ایم سی ءَ بلوچستان ءِ نامداریں اکسکار کمانچر بلوچ ءِ اکسانی ایگزیبیشن مروچی دومی روچ ءَ ھم برجاہ اِنت –

اے ایگزیبیشن گوستگیں روچ ءَ بولان میڈیکل کالج ءَ ماں بلوچستان ءِ نمیران بیتگیں آشوب ءِ شائر مبارک کازی ءِ نام ءَ پنام دیگ بیتگ –

اے اکسانی ایگزیبیشن ءَ گوستگیں روچ ءَ ھپتاد ءُ پنچ اکسانی پریم بھا بیتگ اَنت ءُ بازیں کچے ءَ مردماں اکسانی گِندُگ کتگ بیتگ –

ھمے وڑ ءَ بلوچ نودربر رھشون ڈاکٹر مھرنگ بلوچ ءَ ھم ایگزیبیشن ءِ تر ءُ تاب کتگ ءُ اود ءَ کمانچر بلوچ ءِ اکس زرتگ ءُ وتی پیس بک وال ءَ پوسٹ کتگ ءُ گوشتگ’ کمانچر بلوچ ءِ لوٹک ءِ منت گپتگ ءُ گوشتگ کہ آئی ءِ اکسکاری ستاہکرزی اِنت ءُ شال ءِ دراھیں مردماں گوں لوٹ ھمیش اِنت آ بیا اَنت ءُ کمانچر ءِ کرد ءَ بہ ساڑا ءَ اَنت‘-

ھمے داب ءَ مروچی ھم دومی روچ ءَ بی ایم سی ءَ کمانچر بلوچ ءِ اکسکانی ایگزیبیشن برجاہ اِنت ءُ اود ءَ مردم آیگ ءُ اکسانی چارگ ءُ زورگ ءَ اَنت-

دومی نیمگ ءَ اکسانی ایگزیبیشن ءِ ھواری ءَ گندگ بیت اِنت اود ءَ بلوچ دودمان ءِ ساز ءُ سامان ھم ایر کنگ بیتگ اَنت-

زانگ بہ بیت کمانچر بلوچ بلوچستان ءِ ھما اکسکارانی تہ ءَ اِنت کہ آئی ءَ وتی نیزوریں کوپگاں مزنیں کردے پیلو کتگ –

کمانچر بلوچ ءَ گوستگیں روچاں دی بلوچستان پوسٹ ءِ ڈاٹا اسٹوری ءَ گپ جنان ءَ گوشتگ کہ من کساس ھپت ھزار ءَ گیش اکس کش اتگ انت کہ بلوچستان ءِ جتا جتائیں ھند ءُ دمگانی ئیگ اَنت-