تربت ءُ تمپ ءَ اُرشانی زمہ واری بی ایل اے ءَ منّ اِتگ اَنت

بلوچ لبریشن آرمی ءَ وتی شنگ کتگیں یک درشانے ءِ تہ ءَ گْوشتگ کہ کیچ دمگ تربت ءُ تمپ ءَ دو جتاجتائیں اُرشاں زورگریں پاکستانی پوج ءُ ھال اھوالی ٹاور نشانگ کنگ زمہ واری منّ اِتگ اَنت-

بی ایل اے ءِ سرمچاراں بیست ءَ دو ستمبر ءِ شپ ءَ تربت ءِ دمگ آپسر ، سلالہ بازار ءَ زورگریں پاکستانی پوج ءِ پوسٹ ھما وھد ءَ گوں دستی بمب اُرش ءَ نشانگ کتگ وھدے دُژمنیں پوج ءِ دو گاڑی ھمے ھند ءَ سر بیتگ اَنت- تراک ءِ آسر ءَ زورگریں پوج ءَ مزنیں کچے ءَ جانی تاوان چست کنگ کپتگ-

دگہ یک اُرشے ءَ بی ایل اے ءِ سرمچاراں گوستگیں شپ ءَ تمپ ءِ دمگ میرآباد ءَ یوپون شرکت ءِ یک ھال ایوالی ءِ ٹاور ءِ مشینری مانداشتگ ءُ ناکارہ کتگ اَنت-

بلوچ لبریشن آرمی اے دوئیں اُرشانی زمہ واری ءَ منّ اِیت-