بلوچستان ءِ بنجاھی شھر شال ءَ ناشناسیں مردماں پولیس ءِ گاڑی نشانگ کتگ-
پولیس ءِ گوشگ اِنت شال ءِ کوچگی دمگ کچلاک ءَ گشت جنوکیں پولیس ءِ گاڑی ناشناسیں مردماں تیرگواری ءُ پد ءَ دزبمباں گوں اُرش کتگ-
پولیس ءِ رد ءَ اُرشانی تیرگواری ءَ پولیس ءِ یک کارندھے زدگ بیتگ کہ سول ھسپتال ءَ برگ بیتگ-
وئیل ءَ پد پولیس ءُ کمکی باسک وئیل جاہ ءَ سر بیتگ اَنت – پولیس ءِ نیمگ ءَ وئیل ءِ پٹ ءُ پول بوگ ءَ اِنت-
دومی نیمگ ءَ تحریک تالبان ءِ جارکش مھمد خراسانی ءَ اے اُرش ءِ زمہ واری من اتگ ءُ گوشتگ کہ گوستگیں شپ ءَ تحریک تالبان پاکستان ءِ مجاھدیناں پولیس ءِ گاڑی ءِ سر ءَ دزبمبے چگل داتگ ءُ پد ءَ پستول ءِ گون ءَ تیرگواری کتگ ءُ یک کارندھے کُشتگ ءُ دو زدگ کتگ انت-