وتی دوستیگیں مردمانی یل کنائینگ ءِ جھد تاں گڈی ساہ ءَ برجاہ بیت – راشد حسین ءِ گھار

چہ شارجہ ءَ پاکستان ءِ چیریں ادارھانی کارمندانی دست ءَ زورانسری آوار جنگ بوتگیں راشد حسین بلوچ ءِ گھار فریدہ بلوچ ءَ وتی درشانے ءِ تہ ءَ گوشتگ کہ بلوچستان یک “برمودا ٹرائنگل ” ءِ جوڈ بوتگ کہ اودے جھمنند ھمک روچ بیگواہ بوگ ءَ انت ءُ جھان اشی ءَ چہ رب ءِ نیمگ ءَ آورتگینے پھمگ ءُ دلگوش دیگ ءَ نہ انت، جھان ءِ تہ ءَ ایمنی ءُ مردمگری منوگر ھم ھچ گوشگ ءَ نہ انت بلے ما وتی دوستیگیں مردماں بیھال کُت نہ کنیں، کہ آ کجام جاور ءُ ازیتانی تہ ءَ بنت –

آئی ءَ دیمتر ءَ گوشتگ کہ راشد حسین ءِ زورانسری آوار جنی ءَ پنچ سال سرجم بوگ ءَ انت اے پنچیں سال ما چوں ءُ گوں کجام درداں گوازینتگ انت کزا یکے بہ پہمیت بلے ھئو وتی دوستیگیں مردمانی یل کنائینگے ھاتر ءَ گڈی ساہ ءَ تاں وتی جھد ءَ برجاہ داریں ءُ ما امیت ءَ یل نہ دئیں اے جنگ ءِ تہ ءَ بلوچ ءِ ھمراہ بس بلوچ انت دگہ کس –

آئی ءَ گوشتگ کہ راشد حسین ءِ وش ءُ سلامتی یل کنائینگ ءِ ھاتر ءَ ما بیست ءُ چار ستمبر ءَ ایکس ءِ تہ ءَ کمپئن ءِ کنگ ءَ انت ءُ ما چہ درسیں انسان دوست ءُ انسانی ھکانی گلاں گوں لوٹ کنیں کہ منی برات یل کنائینگ ءَ وتی کرد ءَ پیلو بہ کن انت –