آواران ءَ پاکستانی پوج ءِ دست ءَ یک مردمے زورانسری آوار جنگ بیتگ

بلوچستان ءِ دمگ آواران ءَ پاکستانی پوج ءَ یک مردمے زورانسری آوار جتگ ءُ بیگواہ کتگ-

گیشیں ھالانی رِد ءَ آواران ءِ دمگ تیرتیج ءَ پاکستانی پوج ءَ یک مردمے زورانسری آوار جتگ ءُ گوں وت برتگ کہ آئی ءِ پجّار رسول بخش ء موسیٰ جھمنند وھلی کوہ نام ءَ چہ بیتگ اے مرد پاکستانی پوج ءَ ھما وھد ءَ آوار جتگ وھدے کہ آ وتی ڈگارانی سر ءَ کار ءَ دھکانکاری ءَ بیتگ-

رسول بخش ءِ آوار جنی ءِ گپ بیگواھیں بلوچانی گل وائس فار بلوچ مسنگ پرسنز ءَ وتی چاگردی رسانکدر ٹوئیٹر ءَ “x” چہ راست کتگ-

زانگ بہ بیت بلوچستان ءَ زورانسری آوار جنی ءِ نہ کُٹْوکیں دْرچ یکشلہ برجاہ ءَ اِنت-