ڈیرہ بگٹی ءَ دو مردم آوار جنگ بیتگ

بلوچستان ءِ دمگ ڈیرہ بگٹی ، سوئی ءَ سلاہ بندیں مردماں دو مردم آوار جتگ اَنت-

دمگی اِھوالکارانی رِد ءَ پشمبے ءِ روچ ءَ درزنے سلاہ بندیں مردماں سوئی ءَ تاں ڈیرہ بگٹی ءَ رؤکیں بُنجاھی شھدگ ءَ ٹلی مٹ ءِ ھند سر ءَ بند کتگ ءُ بازیں گاڑی یے پٹ ءُ پول کتگ دو مردم ءِ پجّار ءَ پد آوار جتگ اَنت-

اے مردمانی تہ ءَ یکے ءِ پجّار باز محمد ء توڈو مندوانی بگٹی نام ءَ چہ بیتگ ءُ دومی پجّار نہ بیتگ-

گْوشگ بوگ ءَ اِنت کہ اے دوئیں مردمانی سیادی سرکاری پلامرزی کنوکیں سلاہ بندیں ٹولی ءَ اِنت-