ایران ءِ سرکاری اھوال سرکنوکیں ادارگ ءِ ٹاہ داتگ کہ کانود برجاہ داروکیں ادارگاں گوستگیں ماہ ءَ روکپتی بلوچستان ءِ دمگ ایران شھر ءَ چہ بیگواھی ءَ پد کُشگ بیتگیں مردمی اگبالانی باسک ھانی گل ءُ آئی لوگ واجہ سمیر ءِ کوشکار دزگیر کُتگ اَنت۔
سرکاری اھوال سرکنوکیں ادارگ تسنیم ءِ ردءَ شش مردمی ٹیم پجار ءَ پد دزگیر کنگ بیتگ اَنت۔ البت آیاں داں انگت دزگیر کتگیں مردمانی نام پدر نہ کُتگ اَنت۔
رسانک ادارگ ءِ ردءَ اے ٹولی ءَ ھمے زیتاں سمیر بلوچ ءُ آئی لاپ پُریں لوگ بانک ھانی گل بلوچ چہ ایران شھر ءَ بیگواہ کُتگ اَنت ءُ آ سراوان ءِ کَش ءُ گور ءَ بُرتگ اَنت ءُ شدت ءَ پد کُشتگ اَنت۔
یات بہ بیت کہ ھانی گل ءُ سمیر بلوچ گوستگیں ماہ ءَ چہ ایران ءَ بیگواہ کنگ بیتگ اِت اَنت کہ رندترءَ آیانی سرءَ تیزاب ریتکگیں ژانگولیں جون سیمسری دمگ روکپتی بلوچستان ءَ چہ دزکپتگ اِت اَنت۔
ھانی گل مردمی اگبالانی باسک ءِ بیتگ ءُ آئی ءِ لوگ واجہ سمیر بلوچ اسکول ءِ استاد رؤف بلوچ ءِ برات بیتگ، کہ آ بلوچستان ءِ دمگ کیچ ءَ نیکراھی ءِ کمشرپی ءِ بھتام ءَ کُشگ بیتگ اَت۔