بلوچ ریپبلکن گارڈز ءِ جارکش دوستین بلوچ ءَ رسانکدر ءَ شنگ کتگیں وتی یک درشانے ءِ تہ ءَ گْوشتگ کہ مئے سرمچاراں مروچی سبی ءَ زورگریں پاکستانی پوج یک بمب اُرشے ءَ نشانگ کتگ-
جارکش ءَ گْوشتگ کہ سبی ءِ شھر ءَ لونی دگ ءِ نزیک ءَ ورلڈ بینک ءِ پراجیکٹ پھازوکی ءَ اوشتوکیں پاکستانی پوج کارندھانی سر ءَ دستی بمب ءَ گوں اُرش کتگ، تراک ءِ آسر ءَ زورگریں پوج ءَ جانی ءُ مالی تاوان چست کنگ کپتگ-
جارکش ءَ دیمتر ءَ گْوشتگ کہ مئے گل اے اُرش زمہ واری ءَ منّ اِیت- زورگریں پاکستانی پوج ءِ بلوچستان ءَ چہ دراھگ ءَ تاں مئے اُرش برجاہ بنت-