اوگانستان ءِ جھمنندیں نیکراھی وانگ جاہ ءِ نودربر چہ ھاش ءَ بیگواہ

روکپتی بلوچستان ءَ نیکراھی وانگ جاہ ءِ نودربر سلاہ بندانی دست ءَ بیگواہ –

سر بیتگیں ھالانی رد ءَ روکپتی بلوچستان ءِ دمگ ھاش ءَ مخزن العلوم ءَ اوگانستان ءِ جھمنندیں نودربر سلاہ بندیں مردماں آوار جتگ ءُ گون وت برتگ-

نودربر ءِ پجار ھژدہ سالی ئیں محمود درہ خیل ء ھاجی بشیر ءِ نام ءَ زانگ بیتگ-

اھوالانی رد ءَ محمود ءِ کھول گوست ءَ چہ اوگانستان ءَ لڈ ءُ بار اش کتگ ءُ باھوٹی ءَ روکپتی بلوچستان ءَ اتکگ بیتگ اَنت-

اھوالانی رد ءَ آئی ءِ کھول ءَ دمگدار ءِ کارگس ءِ دیم ءَ زھرشانی کتگ ءُ آئی ءِ درگیجگ ءِ لوٹ کتگ بلے داں انگت ءَ آئی ءِ بارو ءَ اھوال دیم ءَ نیتکگ اَنت-

اھوالانی رد ءَ نودربر ءِ آوار جنگ ءَ پد آئی ءِ کھول ءَ ناشناسیں نمبرے ءَ رھوت اتکگ کہ یک کلوئے سُھر بہ دے ات نی شمئے زھگ یل کنگ بیت اِنت-