خضدار دمگ ءِ وڈھ ھنکین ءَ چہ سربیتگیں اھوال ءِ ردءَ دراکھالہ ءِ جھمنند ءَ وتکُشی کُتگ۔
اھوالانی ردءَ اقبال ء کریم شیخ نامی ایں مردمے ءَ وتکُشی کُتگ البت داں انگت وتکُشی ءِ سوب زانگ نہ بیتگ اَنت۔
یات بہ بیت کہ سرجمیں بلوچستان ءَ وتکُشی ءِ وئیل ھمکروچگی ردءَ دیما پیداک اَنت۔
گوستگیں دوھپتگانی تہءَ اے وتکُشی ءِ چارمی وئیل اِنت چدوپیسر گوادر، آواران ءُ شال ءِ دمگانی تہءَ ھم سئے وتکُشیانی وئیل ءِ ھال دی بلوچستان پوسٹ ءَ سر بیتگ اَنت۔