سر بیتگیں ھالانی رد ءَ روکپتی بلوچستان ءِ دمگ نیکشھر ءَ زاھدان ءِ جھمنند ناشناسیں مردمانی دست ءَ کُشگ بیتگ-
اھوالانی رد ءَ مروچی پولیس تھانہ ءِ نزیک ءَ یک ناشناسیں لاشے دزکپتگ –
گیشیں اھوالانی رد ءَ دزکپتگیں لاش ءِ پجار یحییٰ ناروی ء گل مھمد جھمنند گاراژ زاھدان ءِ نام ءَ زانگ بیتگ-
اھوالانی رد ءَ یحییٰ ناروی لھتے روچاں پیش بیگواہ بیتگ ءُ مروچی آئی ءِ لاش ماں نیکشھر ءَ پولیس ءِ تھانہ ءِ نزیک ءَ دزکپتگ-
اھوالانی رد ءَ تنی وھدی اے زانگ نہ بیتگ کہ آئی ءِ آوار جنوک چونین اَنت ءُ نانکہ آئی ءِ بارو ءَ دگہ سرپدی دیم ءَ اتکگ انت-
زانگ بہ بیت گوستگیں ماہ ءَ روکپتی بلوچستان ءِ دمگ ایرانشھر ءَ ھم یک مردمے ءِ لاش ماں گاڑی ءِ توک ءَ دزکپتگ ات ءُ آئی ءِ آوار جنوکانی بارو ءَ ھم دگہ سرپدی دیم ءَ نیتکگ اِت اَنت-