بلوچستان ءِ تیابدپی شھر گوادر ےخ پاکستانی زری لشکر ءِ ھیلی کاپٹر کپتگ ءُ تباہ بیتگ، چریشی ءَ دو آپیسراں ھوار یک کارندھے مرتگ انت-
جارکش پاکستان ءِ زری لشکر ءِ رد ءَ گوادر ءَ پاکستان ءِ زری لشکر ءِ ھیلی کاپٹر ھیلکاری ءِ بال ءَ بیتگ ھمے وھد ءَ کزا ءِ آماچ بیتگ ءُ چریشی ءَ چہ پاکستان ءِ زری لشکر ءِ دو آپیسر ءُ یک کارندھے مرتگ اَنت-
بیران بیتگیں کارندھانی پجار لیفٹیننٹ کمانڈر جواد، لیفٹیننٹ حمزہ ءُ ایل یو ڈبلیو ٹی حسنین ءِ ناماں زانگ بیتگ اَنت-
جارکش ءَ گوشتگ کہ پاکستان ءِ زری لشکر ءَ گوشتگ کہ ھیلی کاپٹر بال ءِ وھد ءَ گمانی رنگ ءَ ھرابی ءِ سبب ءَ کپتگ – زری لشکر ءِ نیمگ ءَ وئیل ءِ درگت ءَ پٹ ءُ پول بوگ ءَ اِنت-