روکپتی بلوچستان ءِ سیمسر ءَ ایرانی لشکر ءَ تیرگواری کنان ءَ یک مردمے کُشتگ –
گوستگیں روچ ءَ روکپتی ءُ رودراتکی بلوچستان ءِ میان ءَ ھستیں لکیر ءِ سر ءَ ایرانی لشکر ءَ تیرگواری کتگ ءُ یک مردمے کُشتگ-
وئیل گوستگیں روچ ءَ ماں سراوان ءِ ھند آسپیچ ءَ پیش اتکگ کہ اود ءَ آیاں تیرگواری کتگ ءُ صاحبخان گمشادزئی ء میر دوست جھمنند سیب ءُ سوران ءِ نام ءَ زانگ بیتگ –
اھوالانی رد ءَ آ ابید ءِ دست دیگ ءَ ایرانی لشکر ءَ آئی ءِ گاڑی ءِ سر ءَ تیرگواری کتگ کہ چریشی ءَ ائی ءَ بازیں تیرانی لگگ ءِ سبب ءَ آ بیران بیتگ-
زانگ بہ بیت گوستگیں ھپتگ ءَ ھم سراوان ءِ سیمسر ءَ ایرانی لشکر ءَ تیرگواری کتگ ات ءُ یک مردمے کُشتگ ات ءُ چد ءُ پیسر ماں دلگان ءَ یک پرپٹے ءِ سر ءَ ایرانی لشکر ءَ تیرگواری کتگ ات ءُ یک کسان سالیں ورنایے کُشتگ ات-
ایرانی لشکر ءِ تیرگواریاں مردمانی بیرانی گیشی گندگ اتکگ کہ یکیں ماہ ءَ سَے جتا جتائیں جاھاں تیرگواری ءِ وئیل پیش اتکگ اَنت-