سنی دیول ءِ نوکتریں تامر گدر ٹو ءَ داں مروچی بزاں سئمی ھپتگءِ تہءَ چارسدھشتاد دو کڑوڑ ءِ باپار کُتگ، ءُ گمان ھمیش اِنت کہ تامر پنچ سد کڑوڑ ءَ گیشتر باپار کنت۔
ھندوستانی تامر باپارءِ زانتکار ترن آدرش ءَ گُشتگ کہ سنی دیول ءِ تامر گدرٹو ءَ سئمی ھپتگ ءَ چارسد ھشتاد دو کڑوڑ ءِ باپار کُتگ ءُ پنچ سد کڑوڑ ءِ باپار ءِ نیمگ ءَ جُنزگ ءَ اِنت ءُ انگت ھم جوانیں دروشم پیش دارگ ءَ اِنت۔
ترن آدرش ءِ ردءَ گدر ٹو ءَ اولی ھپتگ ءَ 284.63 کڑوڑ دومی ھپتگءَ 134.47 ءُ سئمی ھپتگءَ داں انگت 63.35 کڑوڑ ءِ باپار کُتگ ءُ سرجمی ءَ 482.45 کٹ اتگ۔
زانگ بہ بیت گدر ٹو سنی دیول ءِ پیسرگیں تامر گدر ءِ دومی بھر اِنت، اولی تامر ھم وتی وھدے مزنیں تامرءِ بیتگ، ھاس کر سنی دیول ءِ ڈائیلاگ ءُ تامر ءِ سئوت ءُ کسہ ھم مھلوکاں دوست داشتگ اَنت۔ ھمے وڑ گدر ٹو ءَ ھم مھلوک دوست دارگ ءَ اَنت۔