سبی: ورلڈ بینک پراجیکٹ ءِ سائٹ ءِ سر ءَ تراک

بلوچستان ءِ دمگ سبی ءَ یک دگہ تراکے، واٹر سپلائی لونی دگ ءَ ورلڈ بینک ءِ کار ءِ سر ءَ دزبمب تراکے کنگ بیتگ-

گیشیں اھوالانی رد ءَ ناشناسیں مردماں واٹر سپلائی سائٹ ءِ سر ءَ دزبمب تراکے دور دیگ بیتگ کہ ترندی ءَ گوں تَرکتگ –

تراک ءَ ھچ جانی تاوانانی اھوال سر نہ بیتگ اَنت – وئیل ءَ پد ھال ءِ سر بوگ ءَ سیکورٹی پورس وئیل جاہ ءَ سر بیتگ اَنت-

زانگ بہ بیت مروچی سبی ءَ بیوکیں اے دومی بمب تراک اِنت کہ ایشی ءَ پیش بارودی سرنگ ءِ زد ءَ اتکگیں یک مردمے زدگ بیتگ ءُ ٹریکٹر ءِ یک بھرے سرجم ءَ پروشتگ-

بلے داں انگت ءَ ھردوکیں وئیلانی زمہ واری ھچ گل ءَ پہ وت ءَ نہ زرتگ اَنت-