کویت ءَ لوگ ءَ جیڑہ کنوکانی سر ءَ جتائیں سزا بندگ بیتگ انت کہ آ چاگردی کار بہ کن انت

کویت ءِ واکداراں لوگی جیڑھانی پھریزگ ءَ نوکیں کانونے دیم ءَ آورتگ کہ ایشی ءِ توک ءَ گیر دودمانی سزا بندگ بیتگ انت-

روتاک بیست ءُ چار ءِ رد ءَ نوکیں گامگیج کہ ایشانی توک ءَ ھما گیر دودمانی سزا دارگ بیتگ انت کہ آیانی توک ءَ میتانی گُسل دیگ، پارک ءُ مھلوک جاھاں ساپ کنگ ھوار اَنت-

گامگیج ءَ گوشگ بیتگ کہ لوگی جیڑہ کنوکیں مردماں شش تکاں چاگردی کاراں ابید ءِ زراں کار گرگ بنت اِنت-

لوگی جیڑہ کنوکیں مردماں دستکاری ءَ ھوار وانگ ءُ ھیلکاری ءِ کار ھم گرگ بنت اِنت –

ایشی ءَ پد وزارت ءِ روزگار ءِ نیمگ ءَ فیلڈ ءَ جتا جتائیں کار گرگ بنت اِنت-

کویت ءِ آمیدگسی بنشون ءِ گوشگ اِنت دیم ءَ آورتگیں لوگی جیڑہ کنوکاں چہ سَے ماہ ءَ جتا جتائیں کار گرگ بنت اِنت-

ھپتگ ءَ پنچ روچ ءَ ڈیوٹی گرگ بنت اِنگ ایشاناں گیش ءَ گیش چار گنٹھ کار گرگ بنت اِنت-