بلوچستان ءِ بُنجاھی شھر شال ءَ پاکستانی پوج ءَ زورانسری آوار جنی ءِ نشانگ کتگ ءُ گوں وت برتگ-
گیشیں ھالانی رِد ءَ گوستگیں شپ ءَ شال ءِ دمگ سریاب ءَ پاکستانی پوج ءُ چیریں ادارھانی کارندھاں بیڑبرتگ ءُ یک ورنایے زورانسری آوار جنی ءِ نشانگ کتگ-
آوار جنگ بیتگیں ورنائے پجّار حسن بنگلزئی نام ءَ چہ بیتگ مردمانی گْوشگ اِنت کہ حسن وتی مات ءُ پت ءِ یکیں ورنا ایں پجّیں ءُ دو جاڑیں چُکانی پت اِنت-
زانگ بہ بیت بلوچستان ءَ ھمکروچ زورانسری آوار جنی ءِ تہ ءَ گیشی آھگ ءَ اِنت دومی نیمگ ءَ بیگواھیں آصف ءُ رشید گھار سائرہ بلوچ ءَ اسلام آباد پریس کلب دیم ءَ سے روچی شُدکُشیں ھڑتال ءِ نندانک جتگ پہ وتی بیگواھیں مردمانی یل کنائینگ ءِ ھاتر ءَ-