سر بیتگیں ھالانی رد ءَ گوستگیں روچ ءَ روکپتی بلوچستان ءِ دمگ سرباز ءَ ھورانی گوارگ ءِ وھد ءَ گروک کپتگ ءُ چریشی ءَ چہ یک زھگے بیران بیتگ ءُ پنچ زدگ بیتگ انت-
اے وئیل اشکستگ مینان سرباز ءَ پیش اتکگ کہ اود ءَ یک زھگے چہ ابرمی گروک ءِ کپگ ءَ بیران بیتگ-
بیران بیتگیں زھگ ءِ پجار مصعب آسکانی جھمنند اشکستگ مینان سرباز ءِ نام ءَ زانگ بیتگ-
اھوالانی توک ءَ گوشگ بیتگ کہ دگہ پنچ کسانیں زھگ عماد آسکانی، امیر حسین سلاھی، فضل الرحمان آسکانی ،عبدالخالق آسکانی ءُ مھمد آسکانی ناماں زانگ بیتگ انت کہ اے ھر پنچیں چہ گروک ءِ کپگ ءَ زدگ بیتگ انت-
اھوالانی رد ءَ سرباز ءِ نادراہ جاہ یکدم نیزور اِنت کہ اود ءَ ھچ جاندراھی ءِ آسراتی نابروبری ءَ اَنت کہ چریشی ءَ چہ نادراھاں ھاسیں آسراتی ءِ گر ءُ دار دیگ بوگ ءَ نہ اِنت-