تمپ ءَ سلاہ بندیں مردمانی تیرگواری ءَ چہ زالبولے ٹپی بیتگ

کیچ ءِ تھسیل تمپ ءَ سلاہ بندیں مردمانی تیرگواری ءَ زلحیہ حیات نامیں زالبولے ٹپی بیتگ-

اِھوالکارانی رِد ءَ گوستگیں شپ ءِ ساھت نُھ ءَ تمپ کور جو ءَ ناشناسیں سلاہ بندیں مردماں لوگ سر ءَ بیڑبرتگ ءُ تیرگواری کتگ چریشی ءِ آسر ءَ چہ حیات ءِ جنک بانُک زلحیہ ٹپی بیتگ ، آ پہ لاج ھاتر ءَ تمپ ءُ پد ءَ تربت ءِ نادُراھجاہ ءَ برگ بیتگ-

دمگی مردمانی گوشگ اِنت اے سلاہ بندانی سیادی دمگی ڈیتھ اسکواڈ ٹولی ءَ اِنت چہ-

زانگ بہ بیت اشی ءَ ساری پاکستانی پوج ءَ 2022 ءَ زلحیہ حیات ءُ امیر حیات زورانسری آوار جنی ءِ نشانگ کتگ ءُ بھتام جتگ اَنت کہ آ پدائی کنگ ءَ روگ ءَ بیتگ اَنت-

زلحیہ حیات ءِ کھول ءَ گْوشتگ کہ ما مدام پاکستانی پوج ءُ آیانی جوڑ کتگیں ڈیتھ اسکواڈ کارندھانی زوراکی ءِ دیمپان اِنت – ما بلوچ راج، سیاسی ءُ چاگردی گلاں ھوار سانکدری باسکاں گوں دزبندی کن ایں کہ آرمی ءِ زُلم ءُ زوراکیاں چہ رکگ ءِ ھاتر ءَ توار چست بکن اِت-