شال ءَ دو پاکستانی پوج ءِ کارندھانی کوش ءِ زمہ واری بی ایل اے ءَ منّ اِتگ

بلوچ لبریشن آرمی ءِ جارکش جیئند بلوچ ءَ رسانکدر ءَ شنگ کُتگیں درشان ءِ تہ ءَ گْوشتگ کہ بی ایل اے ءِ سرمچاراں شال ءَ زورگریں پاکستانی پوج ءِ یک چیک پوسٹے ءِ سر ءَ اُرش کتگ ، چریشی ءِ آسر ءَ دو دُژمنیں کارندہ مرتگ اَنت-

جارکش ءَ دیمتر ءَ گْوشتگ کہ سرمچاراں گوستگیں شپ ءِ ھشت ءِ وھد ءَ پی ایم ڈی سی سائٹ ءِ نزیک ءَ ژڑی ءِ ھند سر ءَ زورگریں پاکستانی پوج ءِ یک چیک پوسٹے ءِ سر ءَ راکٹ ءُ دگہ مزنیں سلاھاں چہ اُرش کتگ چریشی ءِ آسر ءَ دو دُژمنیں کارندہ ھما دمان ءَ مرتگ اَنت-

زورگریں پوج ءِ چیک پوسٹ سر ءَ راکٹ کپگ ءَ چہ دُژمن ءَ گیش جانی مالی چست کنگ کپتگ-

جارکش ءَ گْوشتگ کہ بلوچ لبریشن آرمی اے اُرش زمہ واری ءَ منّ اِیت ءُ اے اِھد کنت کہ زورگریں پاکستانی پوج ءِ سرجمی ءَ دراھگ ءَ تاں مئے اُرش برجاہ بنت-