بساک ءِ نیمگ ءَ پہ زھگانی ھاتر ءَ “گام” ءِ سیمی تاک ءِ چن ءُ لانچ

بلوچ اسٹوڈنس ایکشن کمیٹی ءِ بنجاھی جارکش ءَ رسانکدراں وتی شنگ کرتگیں درشانے ءِ تہ ءَ زھگانی تاک “گام” سیمی تاک ءِ چن لانچ ءِ جار جتگ –

بساک ءِ بنجاھی جارکش ءَ وتی جار ءِ تہ ءَ نبشتگ کہ زھگاں مارا امیت اِنت کہ گام ءِ دومی تاک شمارا سر بوتگ کہ آئی ءِ تہ ءَ بلوچی ءُ براہوئی ءَ شُمئے نبشتہ کتگیں نبشتانک، آزمانک، کسہ ءُ ایدگہ چیز ھوار بوتگ اَنت-

جار ءِ تہ ءَ گوشگ بوتگ کہ نوں بساک گام ءِ سیمی تاک ءِ چن ءُ لانچ ءَ کنگ ءَ انت ءُ گام پہ شما انت پمیشکہ ما لوٹ ایں گیشتر شمئے ساچشتاں گوں ڈولدار بہ بیت نوں مارا شمئے نبشتانک درکار اَنت – بیا اِت نبشتہ ءِ درچ ءَ برجاہ دار ایں ءُ گام ءِ سیمی تاک ءَ سرجم کنیں –

جار ءِ تہ ءَ اے سرھال دیگ بوتگ ءُ گوشگ بوتگ کہ اشانی تہ ءَ کجام سرھالاں شما جوان نبشتہ کت کن اِت نبشتہ بکن اِت – نبشتانک:(بُنگپ، لبزانک، سائنس ،زندنامگ،تاریخ ءُ دگہ دگہ بہ بنت)، گیدی کسّہ، شئیر، بتل ، چاچ ،وشکند ، تژن ءُ بچکندی جُست (پہ ناکو گزابیک ءَ) ءُ وتی نبشتانکاں جھل ءِ داتگیں ڈسّ ءَ روان بدے اِت۔ شمئے نبشتانک گام ءِ زینت بنت –
ڈسّ: 03252766447 officialgaam@gmail.com

بساک ءَ وتی ءِ جار ءِ گُڈسر ءَ اے ھم نبشتگ کہ وتی نبشتانکانی ھمراھی ءَ وتی نام، کلاس، وانگجاہ ءِ نام ءُ میتگ ءِ ناماں بیھال مہ کن اِت –