برٹش کولمبیا ءَ آس ءِ توسگ ءَ پوج ءِ کمک لوٹ اتگ

کینیڈا برٹش کولمبیا ءَ گشادی ءَ شنگ بوتگیں آس ءِ توسگ ءِ واستا پوج ءِ کمک لوٹگ بیتگ اَنت-

ھال سر کنوکیں ادارہ روئٹرز ءِ رد ءَ یکشمبے ءِ روچ ءَ سر وزیر جسٹن ٹروڈو ءَ گوشتگ کہ برٹش کولمیبا ءَ سرکار ءَ چہ لوٹ کہ شھریانی کشگ ءِ واستا پوج ءَ دیم بہ دنت-

روکپتی استان برٹس کولمبیا ءِ جنگل ءَ شنگ بوتگیں آس پراھگ روان اِنت ءُ شنگ بوتگیں آس ءَ سرکار ءَ سی ءُ پنچ ھزار مردمانی درکنگ گشتگ-

برٹش کولمبیا ءَ اُستان ءَ اژدری جاورھال شنگ کتگ انت ءُ گوشتگ گیر زلوری سپر کنگ ءِ سر ءَ بندش اِنت-

ڈرون آپریٹرز ءُ آس ءِ اکس کشوکاں کڈنی کنگ بیتگ آ کمکی باسکاں چہ دور بہ بنت- ویسٹ کیلوینا ءِ فائر چیف جسٹس جیسن بولنڈ ءَ.گوشتگ گوستگیں چار روچاں آس ءِ توسینگ ءَ لھتیں امیت گندگ ءَ آیگ ءَ اَنت-

آئی ءَ گوشتگ جاورھالانی توک ءَ گھتری اتکگ ءُ فائر پائٹرز آس ءِ توسینگ ءَ آپ ءِ کارمردی ءَ کنگ ءَ اَنت چریشی ءَ اے آس ءَ یک لکھ ءُ پنجاہ ھزار ءِ آبادی شھر ناگیگی ءِ دیمپان کتگ-

کینیڈا ءَ جنگل ءِ آس کپگ ءِ وئیل لس نہ اِنت لھتین زانتکارانی گوشگ اِنت مولمانی مٹ بوگ گوش اَنت-

برٹش کولمبیا ءِ استان ءِ واکداراں آس ءَ ستکگیں ماڑیانی کچ ءُ کساس داں انگت ءَ نہ گشتگ اَنت-

جنگل ءِ آس ءَ دمگی مال ءُ مڈی ھلاس کتگ اَنت ءُ چریشی ءَ بنجاھی سرکار ءَ را سیزدہ ڈیھانی کمک گون اِنت-

آئی ءَ گوشتگ کہ اے وھد ءَ آس ءِ کشگ ءِ وھد ءَ کساس چار آس کشوک ستکگ ءُ بیران بیتگ اَنت-

کساس یک لک ءُ چل ھزار مربع کلو میٹر ءَ زمین آس ءَ گپتگ ءُ ایشی ءِ دوت داں امریکہ زر ءَ شتگ اَنت-

سرکاری واکدارانی گمان اِنت دمگ ءَ ڈکال بوگ ءِ سبب ءَ چِلو ھشک ءَ آس کپگ ءِ گمان اِنت-