گوادر اُرش: چہ گوستگیں روچ ءَ پٹ ءُ پولی برجاہ اَنت

بلوچستان ءِ تیابدپی شھر ءُ سی پیک ءِ بنجل گوادر ءَ گوستگیں روچ ءَ چینی انجینئرانی سر ءَ بلوچ سلاہ بندیں گل بی ایل اے ءِ فدائی اُرش ءَ پد سرجمیں شھر ءَ پٹ ءُ پولی بیڑ برجاہ اَنت-

چینی انجینئرانی کاروان ءِ سر ءَ بلوچ لبریشن آرمی ءِ مجید برگیڈ ءِ دو اُرشکاراں نشانگ کتگ – اے ترندیں اُرش داں دو اداراں برجاہ بیتگ-

دمگی مردمانی گوشگ اِنت اُرش ءَ پد گوادر شھر ءِ سیکورٹی ترند کنگ بیتگ ءُ روگ ءُ آیگی راہ ءُ دراں ترندیں پٹ ءُ پول کنگ بیتگ-

دمگی مردمانی گوشگ اِنت چینی انجینئرانی سر ءَ بیتگیں اُرش ءِ ھند ءُ دراھیں جاہ پکیر کالونی، نیاآباد، جی ڈی کالونی ءَ پاکستانی پوج ءَ لوگ لوگ ءَ دور کنان ءَ پٹ ءُ ھنڈ کتگ اَنت-

دمگی مردمانی گوشگ اِنت لوگ ءُ میتگانی پٹ ءُ پول ءِ وھد ءَ پوج ءَ چک ءُ جنین ھم لٹ ءُ کُٹ کتگ بیتگ اَنت-

مردمانی گوشگ اِنت داں انگت ءَ پوج ءَ بازیں مردمے دزگیر کتگ ءُ گون وت برتگ انت کہ تنی وھدی آیانی پجار نہ بیتگ اَنت-