ایرانشھر ءَ ایرانی لشکر ءَ اوگانی باھوٹیانی گاڑی ءِ سر ءَ تیرگواری کتگ

سر بیتگیں ھالانی رد ءَ روکپتی بلوچستان ءِ دمگ پھرہ ایرانشھر ءَ یک گاڑی ءِ سر ءَ تیرگواری کتگ ءُ گاڑی چَپی بیتگ –

اھوالانی رد ءَ رد ءَ گوستگیں شپ ءَ ایرانی لشکر ءَ اوگانی مھاجرانی گاڑی ءِ سر ءَ تیرگواری کرتگ ءُ ڈرائیور ءِ دست ءَ گاڑی لگوشتگ ءُ چپی بیتگ-

اھوالانی رد ءَ گاڑی ءَ سواریں مردم زدگ بیتگ اَنت ، زدگ بیتگیں مردم نادراہ جاہ ءَ برگ بیتگ اَنت-

اھوالانی رد ءَ زدگ بیتگیں مردمانی مردینانی ھواری ءَ یک زالبولے ءَ یک زھگے ھم ھوار اِنت –

اھولانی رد ءَ چرے وئیل ءَ پد دمگ ءِ مردم برانز گپتگ ءُ لشکر ءِ بگیری ءَ زھرشانی اِش کتگ – ءُ پد ءَ لشکر ءَ پشت مانداتگ ءُ شتگ –

زانگ بہ بیت روکپتی بلوچستان ءَ گوست ءَ ھم ھمے داب ءَ ایرانی لشکر ءَ تیرگواری کتگ ءُ پد ءَ مردمانی گاڑی کپتگ ءُ مردم زدگ ءُ زامبیل کتگ اَنت-