شال: دگہ یک مردمے کانگو وائروس ءِ آماچ، ھمے سال ءَ 26 کیس نبشتہ بوتگ انت

شال ءَ یک دگہ مردمے کانگو وائروس آماچ بوتگ چریشی ءَ پد ھمے سال ءَ کانگو وائروس ءِسرجمی ءَ بیست ءُ شش کیس رپورٹ بوتگ انت –

شال ءِ فاطمہ جناح نادراھجاہ ءِ واکدارانی رِد ءَ اے نادراھ گوستگیں شپ ءَ آرگ بوتگ –

کانگو وائروس ءِ آماچیں نادراہ نادراھجاہ ءِ آئیسولیشن وارڈ ءَ انت ءُ آئی ءِ الاج برجاہ انت، ھمے گوشگ بوگ ءَ انت کہ نوں آ کمے وشتر انت –

نادراھے پجار پانزدہ سالی احسان انت کہ قلعہ سیف اللہ ءِ دمگ نسئی ءِ نندوک انت –

اے سال ءَ کانگو وائروس ءِ سرجمی ءَ بیست ءُ شش مردم اماچ بوتگ انت کہ آھانی تہ ءَ ھبدہ وش بوتگ انت ءُ نُھ مردم بیران بوتگ انت –