روکپتی بلوچستان ءِ بنجاھی شھر زاھدان ءَ بندیگیں چار مردم یل کنگ ءُ وتی گساں سر بیتگ اَنت-
آوار جنگ بیتگیں مردمانی توک ءَ انسانی ھکانی باسک فریبا بلوچ ءِ زھگ ءُ برات ھوار اَنت-
یل بیتگیں مردمانی پجار عامر داد آفرین ء فریبا بلوچ، مھمد ملازئی، نعمگ اللہ میران ءُ یاسین سینگلہ ءِ ناماں زانگ بیتگ اَنت-
ایشانی توک ءَ عامر ءُ مھمد چل ءُ دو روچ ءَ پیش ماں ایرانشھر ءَ چیریں ادارھاں آوار جتگ ءُ برتگ انت ءُ یاسین ءُ نعمت اللہ سِی ءُ سَے روچ پیش ماں زاھدان ءَ دزگیر کنگ بیتگ اَنت-
ایشانی عامر ءِ دزگیری ءَ پد سرکار ءَ لوٹ کتگ کہ آئی مات دری ملکاں ڈیھ ءِ ھلاپ ءَ پرکار اِنت ءُ آ بئیت ءُ ایران ءِ سرکار ءَ دیم ءَ وتی پیش سپاھی ءَ بہ کنت-
عامر ءِ مات ھانم فربیا روکپتی بلوچستان ءَ بلوچ زالبولانی ھکانی سر ءَ چست ءُ ایر کنوکیں باسکاں چہ یکے ءُ آ سرکار ءِ بھتام اِنت کہ آ ڈیھ ءِ سرکار ءِ سر ءَ ایراد گپت اِنت-