بلوچستان ءِ دمگ پنجگور ءِ ھند چتکان ءَ مروچی سھب ءَ ناشناسیں مردماں پاکستانی پوج ءِ بنجاھی بنجل نشانگ کتگ-
دمگی مردمانی رد ءَ اُرش ءِ وھد ءَ ترندیں تیرگواری ءُ تراکانی توار اشکنگ بیتگ انت-
ھالانی رد ءَ اُرش ءَ پوج ءَ جانی تاوانانی دیمپانی کنگ کپتگ- بلے واکدارانی نیمگ ءَ داں انگت ءَ اے درگت ءَ اھوال نیتکگ اَنت-
زانگ بہ بیت اے دمگ ءَ بلوچ سلاہ بندیں گل پرکار اَنت بلے داں انگت ءَ اے اُرش ءِ زمہ واری کس ءَ نہ زرتگ-