بلوچستان: تیرگواری ءُ دگہ وئیلاں شش مردم بیران

بلوچستان ءِ بنجاھی شھر شال ءُ ایندگہ ھند ءُ دمگاں تیرگواری ءُ دگہ وئیلاں زھگ ءُ زالبولاں ھوار شش مردم بیران بوتگ انت وھدیکہ دھ مردم زدگ بوتگ انت –

گیشیں ھالانی رِد ءَ شال ءِ دمگ سٹلائٹ ٹاؤن ءَ منی مارکیٹ ءِ نزیک ءَ ناشناسیں مردماں رکشہ یے سر ءَ تیرگواری کُتگ چریشی ءَ دو زالبول بیران وھدیکہ رکشہ ءِ ڈرائیور زدگ بوتگ –

پولیس ءَ جون دست گپتگ ءُ نادراھجاہ جاہ ءَ سرکتگ انت وئیلے درگت ءَ پٹ پول بندات کتگ –

دومی نیمگ ءَ جھل مگسی ءَ دوازدہ سالی زھگے ھئور ءِ آپ ءَ بُک اِتگ ءُ بیران بوتگ، اے وئیل پتری میتگ ءَ بوتگ ءُ بیران بوتگیں زھگ ءِ پجار خالدہ ء محمد رفیق لاشاری ایں –

وھدیکہ وڈھ گاسلیٹی ءِ ھند ءَ گرندے ءِ کپگ ءَ یک مردمے بیران بوتگ کہ آئی ءِ پجار محمد علی گوشگ بوگ ءَ انت –

دگہ وئیلے ژوب ڈی آئی خان ءَ قومی شاہ سنگر ءَ دیم ءَ اتکگ کہ مساپر کشیں کوچے ءَ گون ویگن ءَ ڈیک وارتگ چریشی ءَ چار زالبولاں ھوار نُھ مردم زدگ بوتگ انت – کہ آھانی تہ ءَ دو مردمانی جاور نگیگ انت –

زدگ بوتگیں مردمانی تہ ءَ عرفان، امیر جان، محمد حسن، عید محمد، دوست محمد (ش بی بی )(آ بی بی )(ط بی بی ) ءُ (م بی بی )ھوار انت درسیں زدگ بوتگیں مردم ژوب سول نادراھجاہ ءَ سر کنگ بوتگ انت –

اھوالکار ءِ رِد ءَ مساپر کشیں کوچ چہ اسلام آباد دیم پہ شال ءَ رؤگ ءَ بوتگ-

دومی نیمگ ءَ صحبت پور ءِ دمگ گوٹھ پیارا خان بگٹی ءَ آپے ٹانکی ءَ سَے زھگ کپتگ ءُ بیران بوتگ انت –