روکپتی بلوچستان ءِ بنجاھی شھر زاھدان ءَ ایرانی آمیدگس ءِ ھکم ءَ بندین مردمے پاھو دیگ بیتگ-
گیشیں ھالانی رد ءَ پاھو دیگ بیتگیں مردم ءِ پجار مسعود شاہ بخش نوتیزئی ء عبدالعزیز ءِ نام ءَ زانگ بیتگ ءُ آ زاھدان ءِ دمگ جشمہ زیارت ءِ نندوک اِنت-
اھوالانی رد ءَ مسعود ءِ پاھو دیگ ءَ پیش گوستگیں روچ ءَ آئی ءِ کھول گڈی گندوک ءَ شتگ بیتگ ءُ آیاں گڈی گندوک کتگ بیتگ-
اھوالانی رد ءُ مسعود ءِ سر ءَ پاھو دیگ ءَ پد مولانا عبدالحمید ءَ جیل ءِ واکدارانی گور ءَ آئی ءِ پاھو نہ دیگ ءِ دزبندی کتگ ءُ گڑا واکداراں یک ماھے ءِ موکل گیش بلے اے گپ دوبر رد کنگ ءُ مروچی بامسار ءَ ماں زاھدان ءِ زندان ءَ پاھو دیگ بیتگ-
ھمے ماھانی توک ءَ شست ءُ یک مردم پاھو دیگ بیتگ اَنت ایشانی توک ءَ چار زالبول ھوار ءُ دگہ چاردہ دگہ مردم ھم ھوار اَنت-