بلوچستان: جتا جتائیں وئیلاں سَے مردم بیران

مروچی سَے شمبے ءِ روچ ءَ بلوچستان ءِ دمگ جھل مگسی، پنجگور ءُ کنڈ ملیر ءَ جتا جتائیں وئیلاں سَے مردم بیران بوتگ انت –

جھل مگسی ءَ پت ءَ وتی چُک کُشتگ –

لیویز ءِ رِد ءَ گوستگیں روچ ءَ جھل مگسی ءَ کوریجہ میتگ ءَ گسی جیڑوے ءَ گلشیر ساکھانی مگسی ءَ وتی چُک ریاض حسین کُشتگ – لیویز گیشیں پٹ ءُ پول کنگ ءَ اانت –

دومی نیمگ ءَ چہ پنجگور ءَ رخشان کئور ءَ یک مردمے ءِ جون ءِ دست کپتگ کہ پجار ءِ ھاتر ءَ ٹیچنگ نادراھجاہ ءَ سر کنگ بوتگ –

ھمے مروچیگیں روچ ءَ مکران کوسٹل ہائی وے کنڈ ملیر ءِ نزیک ءَ ڈیزل ءَ پُریں ٹرکے ءِ بریکاں کار نہ کتگ ءُ چریشی ءَ چپی بوتگ ءُ ڈرائیور زاھد ھما دمان ءَ بیران بوتگ ءُ آئی ءِ کلینر دلسرد زدگ بوتگ –

وئیلے ھال ءِ سر بوگ ءَ ریسکیو ءِ واکداراں وت ءَ وئیل جاہ ءَ سرکتگ ءُ بیران ءُ زدگ بوتگیں مردم نادراھجاہ ءَ برتگ انت اے درگت ءَ گیشیں پٹ ءُ پول برجاہ انت –