ھاش ءُ زاھدان ءِ میانی ءَ کشگ بیتگیں چاریں پولیس کارندھانی پجار

سر بیتگیں اھولانی رد ءَ روکپتی بلوچستان ءِ دمگ ھاش ءَ دیم پہ زاھدان ءَ روکیں پولیس کارندھانی سر ءَ ناشناسیں مردماں اُرش کتگ ءُ چار پولیس کارندہ کشتگ اَنت-

سرکاری اھوالانی رد ءَ چار پولیس کارندھانی پجار مھدی اللہ پور، رضا اسماعیلی، مھمد رضا شیخی ءُ حسن وحیدی ءِ ناماں زانگ بیتگ اَنت-

زانگ بہ بیت چہ ھاش ءَ چل ءُ پنچ کلو میٹر ءِ دوری ءَ ناشناسیں مردماں اُرش کتگ ءُ چار پولیس کارندہ کشتگ اَنت ءُ دگہ یک مردمے زدگ کتگ –

وئیل ءَ پد لاشانی چست کنگ ءَ ھیلی کاپٹر ھم وئیل جاہ ءَ سر بیتگ ءُ لاش اش چست کتگ ءُ دیم پہ زاھدان ءَ برتگ انت ئے –

تنی وھدی اے وئیل ءِ زمہ واری ھچ گل ءَ پہ وت ءَ نہ زرتگ ءُ روکپتی بلوچستان ءَ اے دابیں وئیل گوست ءَ ھم پیش اتکگ بیتگ اَنت-