مگس ءَ مار ءِ ورگ ءَ زھگے بیران بیتگ

روکپتی بلوچستان ءَ اے لھتے وھد اِنت بازیں جاھاں یکشل ءَ سیاہ مار گنگ بوگ ءَ اَنت چریشی ءَ چہ دمگاں ھم یک بیمے ودی بیتگ-

اھوالانی رد ءَ گوستگیں روچ ءَ روکپتی بلوچستان ءِ دمگ مگس ءَ سیاہ مار ءَ یک زھگے وارتگ ءُ چریشی ءَ زھگ بیران بیتگ-

اھوالانی رد ءَ مار ءِ ورگ ءَ بیران بیتگیں زھگ ءِ پجار دیم ءَ نیتکگ بلے آ گریب آباد آشار ءِ نندوک اِنت-

روکپتی بلوچستان ءَ اے دابیں مار باز جاہ ءَ گندگ بیتگ ءُ مھلوک ءَ وتی کمک ءَ وت اے دابیں مارانی اجل جتگ اَنت –

دمگی مردمانی گوشگ اِنت کہ اے دابیں مارانی ٹپ ءِ گر ءُ دار کنگ ءَ ھچ دابیں دارو درمان نیست اِنت چریشی ءَ چہ مار ءِ ورگ ءَ مردم زوت زوت ءَ وتی جان ءُ ساھاں زبھر بنت اِنت-

دمگی مردمانی گوشگ اِنت اگاں سرکار اے دابیں مارانی ھلاس ءَ کنگ ءَ گامگیج بہ زیر ایت آ ھلاس کنگ بنت اِنت-

گوست ءَ اے دابیں مار سراوان، نیکشھر ءُ دگہ دگہ شھراں ھم گندگ بیتگ کہ اود ءَ مردمانی دل ءُ لاپانی توک ءَ ترس ودی بیتگ اَنت-