تمپ ءُ جھاؤ ءَ پوجی پانگس ءُ موبائیل ٹاور ءِ ماندارگ ءِ زمہ واری بی ایل ایف ءَ منّ اِتگ انت

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ گوشتگ کہ مئے سرمچاراں تمپ ءَ پوجی پانگس ءُ جھاؤ ءَ موبائیل ٹاورے ماندارگ ءِ زمہ واری منّ اِتگ انت –

جارکش ءِ رِد ءَ سرمچاراں شانزدہ جولائی ءِ شپ ءَ ادار نھ ءَ کیچ ءِ دمگ تمپ ملانٹ ءَ پاکستانی پوج ءِ بنجل ءَ اے ون ءِ گولا ءُ وتکار ءُ مزنیں سلاھانی گون ءَ اُرش کرتگ – اُرش ءِ آسر ءَ زورگریں پوج ءَ بازیں کچے ءَ جانی ءُ مالی تاوان بوتگ –

میجر گوھرام ءِ رِد ءَ شانزہ جولائی ءِ سھب ءِ ادار شش ءَ آواران ءِ ھند جاؤ ءِ کولنج نونڈرہ ءَ سرمچاراں پاکستانی ٹیلی کمیونیکیشن لیمٹڈ ( پی ٹی سی ایل ) ءِ موبائل پون، یوپون ٹاور ءِ سر ءَ اُرش کرتگ ءُ مشین ءُ سامان مانداشتگ اَنت –