کلات ءَ پاکستانی لشکر ءِ سر ءَ اُرش ءِ زمہ واری بی ایل اے ءَ من اتگ

بلوچ لبریشن آرمی ءِ جارکشّ جیئند بلوچ ءَ ماں رسانکدر ءَ شِنگ کُرتگیں درشان ءِ تہ ءَ گْوشتگ کہ بلوچ لبریشن آرمی ءِ سرمچاراں گوستگیں شپ ءَ کلات ءَ زور گیریں پاکستانی لشکر ءِ بُنجاھی بُنجل اُرش ءِ نِشانگ کُرتگ ۔

آئی ءَ گْوشتگ کہ کلات ، کوھنگ ءِ دمگ ءَ بی ایل اے ءِ سرمچاراں دُژمنیں لشکر ءِ بُنجل ءِ پھریزوکیں پانگسانی سر ءَ دو نیمگاں گوں نوکیں سلاھاں اُرش کُرتگ ، سرمچاراں گوں گرنیڈ لانچر ءَ دُژمِن ءِ سر ءَ بازیں گولہ آس داتگ انت ، پھریزوکیں پانگس ءِ سر ءَ گولہ لگگ ءَ کم چہ کم دُژمِن ءِ سئے کارندہ زدگ بوتگ اَنت وھدیکہ دُژمِن ءَ را گیشیں جانی ءُ مالی تاوانانی دیمپانی کنگ کپتگ ۔

جارکشّ ءَ گْوشتگ کہ بَھ ءُ بکڑ بیوکیں دُژمن ءَ لس آبادی ءِ سر ءَ تیر گواری کُرتگ ءُ مارٹر گولہ آس داتگ ، وھدیکہ بی ایل اے ءِ سرمچار شور بندی ءَ گو وتی مھکمیں جاھاں سر بوتگ انت-

جیئند بلوچ ءَ گْوشتگ کہ بلوچ لبریشن آرمی اے اُرش ءِ زمہ واری ءَ منّ ایت ءُ زورگیریں لشکر ءِ سرجمی ءَ درایگ ءَ تاں مئے اُرش ھمے رنگ ءَ برجاہ مان اَنت-