بلوچستان ءِ دمگ لسبیلہ ءَ ٹریفک وئیل ءِ آسر ءَ 3 مردم بیران بیتگ اَنت۔
ریسکیو واکدارانی ردءَ لسبیلہ ءِ ھنکین بیلہ ءِ نزیک ءَ ھترناکیں وئیل ءِ دیما اَتکگ کہ آودہ یک مساپر کوچے تیز رؤگی ءِ سوب ءَ چپ بیت کہ اِشی آسر ءَ کوچ ءَ سواریں سئے مساپر بیران بیتگ اَنت۔
واکدارں گُشتگ کہ وئیل ءِ سوب ءَ 20 ءَ گیش مساپر ٹپی ھم بیتگ اَنت کہ آ بُنکی کمک ءِھاترءَ نادراھجاہ ءَ برگ بیتگ اَنت۔
واکدارانی گُشگ اِنت کہ مساپر کوچ چہ شال ءَ کراچی ءَ رؤگ ءَ بیتگ، وھدیکہ وئیل ءَ بیران بیتگیں مردمانی پجار نذر علی ء غلام، عبدالنبی ء عبدالبلال ءُ نادر خان ء احسان ءِ ناماں چہ بیتگ۔