چاگِرد ءِ تہ ءَ نودربرانی زمہ واری
نبشتہ کار: شکراللہ ازیم
دی بلوچستان پوسٹ
چاگِرد ءِ توک ءَ نودربرانی بلاھیں زمہ واردی است انچوش کہ آ وتی زمہ واری ءَ بزان اَنت۔ انوگیں وھد ءَ مئے چاگِرد گوں ھر وڑیں ھڈ ءُ جھنجالاں ھوار اِنت۔ اے جھنجالاں نی ھل ءُ ایشی ءِ ھتم کنگ مئے نودربرانی زمہ واری اِنت ۔ پرچکہ چاگِرد ءِ تھ ءَ دگہ چوشیں سرپدھیں مردم نیست کہ یہ جیڑھانی سر ءَ کِمار بہ کنت۔
نودربر چہ آ دگہ مردم یہ جیڑھاں گوں شریں وڑے ءَ پھم اَنت ھو ایشانی گیش ءُ گیوار ءَ کن اَنت۔ نودربر چاگِرد ءِ درپشکُیں استال اَنت۔ ھا مرچی کمو ھورت چاری بکن اَنت کہ مئے چاگِرد باز تباھی ءِ آماچ اِنت۔ مئے کَش ءُ گوراں نشہ ءِ آماچی اِنت ، وتکشّی اِنت نا زانتی اِنت کس وتی ڈیوٹی ءَ کنگ ءَ نہ اِنت۔ وھدے ما یکمشت بہ بہ ایں ءُ اے جیڑھاں شریں وڈے ءَ پچاراں گڑا مارا ایشانی گیش ءُ گیوار ءَ ھم شریں راھے رس ایت۔ اگاں ما چاریں کہ مردم نشہ ءِ آماچ اَنت ھا پرچہ نشہ کن اَنت آھانی لاچاری چی اِنت کہ ھا نشہ بکن اَنت ھو ایشان ناں کہ نشہ دیگ اِنت ۔ گڑا مئے درستیں جُستانی پسو مارا یک پہ یک ءَ رس ایت۔ گڑا ما زانیں کہ آ مردم کہ نشہ دیگ ءَ اَنت ما پرچا آھانی ھلاپ ءَ پاد نیا اَنت ۔ اگاں ھمک روچ مارا وتکشّی ءِ ھال رسّ ایت کہ نودربر وتکشّی کنگ ءَ اَنت یا زالبوالاں وتکُشی کتگ ، ما یہ درستیں جیڑھاں شر چاریں گڑا ایشانی ھل ھم شریں وڑے ءَ در کیت ۔ بلوچ نودربر ھر روچ وتکُشی کنگ ءَ اَنت ما پرچا سرکار تنگ نہ کن ایں کہ یہ جیڑہ ھل بہ کنت۔ منی ھیال ءَ اے دُرستیں زمہ واری نودربرانی اِنت ھما نودربر کہ آھان ونتگ ءُ در بُرتگ مرچی نوکری کنگ ءَ اَنت یا ھما کہ تنیگا وانگ ءُ زانگ ءِ راھاں روان اَنت ۔ ھما مردماں یکجاہ بہ کن اَنت کہ مرچی ما زھرشانی کن ئے کہ پرچا مئے بْراتاں نشہ دیگ بوگ ءَ اِنت ھو ایشی ءِ تھ ءَ ھر کسی دست مان اِنت آئی ءَ را سزا دیگ بہ بیت ۔ ھمے وڑ ما ھما وھد ءَ کت کن ایں کہ ما درست تپاک ءُ یکمشت بہ بہ ایں ۔ وھدے ما یکمشت بہ بہ ایں ما گِنداں کہ مئے نودربر ءُ کسانیں زھگ چہ وانگجاہ ءَ روگ ءِ بدل ءَ سھب ءَ روت بازار ءَ کار کنت ۔ اگاں ایشی ءِ لاچاری ھست اَنت ایشی ءِ کمکّ لازُمی اِنت اگاں پت ءَ پہ گیشتر زر ءِ کماھگ ءَ راہ دنت گڑا آ را سرپدی دیگ لوٹ ایٹ کہ اے وھدے کماھی ءَ چہ ایشی ءِ وانگ گھتر اِنت ھو ما ھر وڑیں جیڑھانی سرا آگاھی ءِ دیگ ءِ واستا مارا کیمپین جوڑ کنگی اِنت کہ مئے یہ لاچاریں مردم ھر چیز ءِ ھرابی ءُ شری ءَ بہ پھم اَنت – دستبدی کناں گوں راجءِ نودربراں کہ یکجاہ ءُ یکمشت بہ بنت ھو ھر جیڑھانی سر ءَ شر کِمار بکن اَنت ھو ایشانی گیش ءُ گیوار یک دومی ءِ ھمراہ داری ءَ بہ کن اَنت-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔