بلوچستان ءِ دمگ چاغی ءِ بنجاھی ھنکین دالبندین ءَ چہ دگہ یک مردمے ءِ جون دزکپتگ۔
اھوالانی ردءَ پولیس ءَ یک مردمے یے جون آئی لوگءِ دپءَ چہ دزکپتگ، کہ آئی پجار سلیمان شاہ ء حاجی دوست محمد ٹک اسحاق زئی ءِ نامءَ چہ بیتگ۔
جون پرنس فہد نادراھجاہ ءَ برگ بیتگ۔ ڈاکٹرانی میڈیکل رپورٹ ءِ ردءَ سرءِ سرءَ تیر لگگ ءِ سوب ءَ بیران بیتگ۔
اھوالانی گُشگ اِنت بیران بیتگیں مردم گمانی پئیم ءَ نشہ ءِ آماچ بیتگ، جون میڈیکل چارٹپاس ءُ پدءَ المی کاراں پد کھول ءَ دیگ بیتگ۔ پولیس ءِ نیمگ ءَ وئیل ءِ درگت ءَ گیشتر پَٹ ءُ پول برجاہ اِن۔
یات بہ بیت زیکیں روچ ءَ ھم چہ دالبندین ءَ یک ژانگولیں ھونے دزکپتگ اَت کہ داں انگت آئی پجار کُنگ نہ بیتگ۔