تربت ءُ پنجگور ءَ بیتگیں اُرشانی ذمہ واری ءَ من ایں – بی ایل اے

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ گُشتگ کہ بی ایل اے ءِ سرمچاراں تُربت ءُ پنجگور ءَ سئے جتاھیں اُرشاں قوضہ گیریں پاکستانی پوج نشانگ کُتگ، کہ اشانی تہءَ پوجی کارندہ مُرتگ اَنت۔

جارکش ءِ رِد ءَ بی ایل اے ءِ سرمچاراں گوستگیں شپءَ تُربت ءِ ھنکین آبسر ءَ برجاھیں قوضہ گیریں پاکستانی پوج ءِ ھیلکاری جاہ ءِ پھازگی بنجل ءِ سر ءَ اوشتاتگیں کارندہ نشانگ کُتگ اَنت،جارکش ءِ سرمچاراں گرنیڈ لانچر ءَ گوں دژمن ءِ سرءَ بازیں گولا آس داتگ اَنت کہ چریشی ءَ کم از کم دو کارندہ مُرتگ ءُ بازیں ٹپی بیتگ اَنت۔

درشانے تہءَ گُشگ بیتگ کہ دومی نیمگءَ بی ایل اے ءِ دگہ یک ٹولی ءَ تربت بالی پَٹ ءِ نزیک ءَ ھم پاکستانی پوج ءِ بنجل ءِ سرءَ گرنیڈ لانچر ءَ گوں بازیں گولا آس داتگ اَنت، اے اُرش ءِ تہءَ کم چہ کم سئے دژمن کارندہ ٹپی بیتگ اَنت۔

جئیند بلوچ ءَ دیمترءَ گُشتگ کہ دگہ یک اُرش یے ءَ بی ایل اے ءِ سرمچاراں 12 جولائی 2023 ءِ شپ پنجگور ءَ رخشان کئور ءِ ھندءَ بستگیں زورگیریں پاکستانی پوج ءِ پوسٹ نشانگ کُتگ، سرمچاراں سلاہ بندیں اُرش ءِ تہءَ دژمنیں کارندھانی سرءَ گرنیڈ لانچراں گوں بازیں گولا آس داتگ اَنت، اُرش ءِ آسرءَ کم چہ کم یک کارندہ ءِ ھما دمان ءَ مُرتگ وھدیکہ دژمن پوج ءَ گیشتر جانی ءُ مالی تاوان ءِ دیمپانی کنگ کپتگ۔

گُڈ سرءَ جئیند بلوچ ءَ گُشتگ کہ بلوچ لبریشن آرمی ھرسئیں اُرشانی زمہ واری ءَ منیت ءُ اے اھد ءَ نوک کنت سرڈگار ءِ آجوئی ءَ داں مئے اُرش برجاہ مان انت۔