کلات: زمینی جیڑھے ءِ سر ءَ دو ٹولیانی میان ءَ جنگ چوپ، زالبولاں ھوار دوازدہ مردم زدگ بوتگ انت

سربوتگیں ھالانی رِد ءَ بلوچستان ءِ دمگ کلات ءَ زمینی جیڑھے ءِ یکیں ٹک ءِ دو ٹولیانی میان ءَ جنگ ءُ چوپ بوتگ چریشی ءَ دوازدہ مردم زدگ بوتگ انت –

لیویز واکدارانی رِد ءَ کلات ءِ دمگ کپوتو سیخامون ءَ زمینی جیڑھےءِ سر ءَ عمرانی ٹک ءِ دو ٹولیانی میان ءَ جنگ چوپ بوتگ، ھردو نیمگاں لٹ ءُ کارچ کارمرز کنگ بوتط چریشی ءَ دوازدہ مردم زدگ بوتگ انت –

زدگ بوتگیں مردمانی تہ ءَ زالبول ھم ھوار انت ھال ءِ سر بوگ ءَ ھشت زدگ بوتگیں امام دین، عبدالستار احمد ، رضا، منظور احمد، محمد صالح، محمد کریم، محمد جان ءُ نادر ھما دمان ءَ کلات نادراھجاہ ءَ سر کنگ بوتگ انت –

کہ اودا درمان کنگ ءَ پد سک زدگ بوتگیں پہ گیشیں الاج ءَ شال ءَ دیم دیگ بوتگ انت ءُ کلات لیوز اے درگت ءَ گیشیں پٹ پول کنگ ءَ انت –