کردار ابدمان اَنت
نبشتہ کار: شئے بلوچ
دی بلوچستان پوسٹ
منی نزّ ءَ کردار ءِ مانا “ھما کار کہ تو کنگ ءَ ئے ءُ تو کُرتگ ایش کردار گُشگ بیت، ھما کردار کہ ترا زندگ کنت تئی ڈسّ، شُناس، راج، زُبان ءُ دُود ءُ ربیدگ ءَ زندگ کنت ءَ ابدمان بیت اِنت-
ھما کردار کہ توُلگ دُرشمیں کرداراں آیانی مانا مسلے یک پُوڑے ءَ آپے تہ ءَ کپ ایت آپ بیت همیش رنگ ءَ زوال بنت نام ءُ نشان ءٍ نہ گُواهیت بیا اٍت اگاں مارا زندگ بوگی اٍنت هنچیں کار کردار جُوڑ کن ایں کہ چُو پُوڑ ءَ آپ مہ بہ ایں گار مہ بہ ایں مئے راج ھما درتگ پُچّ، نیزگار، ءُ گُلامیں راج ھر رنگیں کٍرد تو پہ وت جُوڑ کُرت کن ئے یک دهکانے ءِ کُمک، یک نودربرے ءِ کُمک یک شونگے ءٍ کُمک یا دگہ ھزار رنگیں جیڑھانی سر ءَ کار کنگ ءُ راج ءٍ باندات ءٍ واستا چیزے جُوڑ کنگ ءَ گُوں وت ءَ نمیران ءُ ابدمان کُرت کن ئے، ما اگاں بلوچ راجدپتر ءٍ سر ءَ چمشانکے بہ دے آں گُڑا مارا ھر رنگ ءُ دُروشُمیں کارٍست گندگ ءَ کاینت، ھر مکتب ءُ پکرے ، راجی شھید، نبشتہ کار، یا کہ زندانی داستان بہ بنت آیاں وتی ھیش ءُ نوشین ءُ پُر ایمنیں زند ءَ چہ گیش پہ وت نام’در ءَ آورتگ داں ابد وت ءَ نمیران کُتگ-
“نہ الم ءٍ شوق نہ قوم ءٍ دوستی نہ سُد دنیائے”
“چُشیں بےجوہر ءُ جان دُزّیں نوجوان ءَ سوچ”
بیا اٍت ایش دوئیں گالانی سر ءَ املی کردار پیش داریں ءَ نبشتہ رنگ ءَ بہ بہ بنت یا نودربرے کُمک کنگ ءِ رنگ ءَ بہ بنت پرچا کہ مئے باندات ءٍ مئے وشھالی ءٍ آروک مئے نودربر انت کسے وانیت گُڑا جیڑ ات کنت، راج ءِ درد چی انت بگیر وانگ ءُ زانگ ءَ نہ جیڑ ات کن ئے نا پہ وت کرد ایر کُت کن ئے چو پُوڑ ءَ آپ بہ ئے ءُ روئے-
دی بلوچستان پوسٹ: اے نبشتانک ءِ تہ ءَ درشان کُتگیں ھیال ءُ لیکہ نبشتہ کار ءِ جِندئیگ اَنت، الّم نہ اِنت کہ دی بلوچستان پوسٹ رسانک نیٹورک ایشانی منّوک بہ بیت یا اگاں اے گل ءِ پالیسیانی درشانی اِنت۔