ڈیرہ بگٹی ءَ پاکستانی پوج ءِ سر ءَ اُرش ، یک کارمندے ءِ مرگ ءِ ھال

سربوتگیں ھالانی رِد ءَ بلوچستان ءِ دمگ ڈیرہ بگٹی ءَ ناشناسیں مردماں ایف سی ءِ کارمندانی سر ءَ اُرش کُتگ، اُرش ءَ یک کارمندے مرتگ ءُ سَے زدگ بوتگ انت –

اُرش ڈیرہ بگٹی ءِ دمگ سوئی رئیس توخ ءَ بوتگ – اھوالکار ءِ رِد ءَ پوج اے دمگ ءَ لشکر کشی ءَ دلگوش بوتگ کہ سلاہ بندیں مردماں اُرش کتگ –

واکداراں اُرش ءِ ھبر راست کتگ ءُ گوشتگ کہ اے اُرش ءَ یک کارمندے مرتگ ءُ سَے زدگ بوتگ انت مُرتگیں کارمندے پجار سپاھی ناصر خان نام ءَ بوتگ –

ارش ءِ زمہ واری تنی وھدی ھچ گل ءَ نہ منّ اِتگ –