پنجگور ءَ پاکستانی پوج ءِ سر ءَ بوتگیں اُرش ءِ زمّہ واری بی ایل ایف ءَ منّ اِتگ

بلوچ آجوئی لوٹوکیں سلاہ بندیں گل بلوچستان لبریشن فرنٹ ءِ جارکش میجر گوھرام بلوچ ءَ رسانکدراں وتی شنگ کرتگیں درشان ءِ تہ ءَ پنجگور ءَ پاکستانی پوج ءِ سر ءَ بوتگیں اُرش ءِ زمّہ واری منّ اِتگ ءُ گوشتگ کہ اے اُرش ءَ پوج ءَ بازیں تاوان ءِ دیمپان ءِ کنگ کپتگ –

بی ایل ایف ءِ جارکش میجر گوھرام بلوچ ءِ رِد ءَ مئے سرمچاراں نُھ جولائی ءِ شپ ءِ ادار یازدہ ءَ پنجگور ءِ دمگ چتکان ءَ گریڈ اسٹیشن ءِ سر ءَ برجاھیں پاکستانی پوج ءِ پانگسے ءِ سر ءَ دو اے گولہ آس داتگ – اُرش ءَ پوج ءَ بازیں تاوان ءِ دیمپانی کنگ کپتگ – اُرش ءَ پد ترس آماچیں زورگیریں پوج ءَ چاریں نیمگاں کورکاؤ تیرگواری کتگ –

جارکش میجر گوھرام بلوچ ءِ رِد ءَ اے اُرش ءِ زمّہ واری بی ایل ایف منیت ءُ اے دابیں اُرش بلوچستان ءِ آجوئی ءَ تاں برجاہ مان انت –