کلات، بلیدہ ءُ دشت ءَ بوتگیں اُرشانی زمّہ واری بی ایل اے ءَ منّ اِتگ انت

بلوچ آجوئی لوٹوکیں سلاہ بندیں گل بلوچ لبریشن آرمی ءِ جارکش جیئند بلوچ ءَ رسانکدراں وتی شنگ کرتگیں درشان ءِ تہ ءَ کلات بلیدہ ءُ دشت ءَ بوتگیں اُرشانی زمہ واری منّ اِتگ ءُ گوشتگ کہ سَے جتاجتائیں اُرشاں پاکستانی پوج ءُ موبائیل ٹاور نشانگ کتگ انت چریشی ءَ سَے دژمن کارمنداں ھوار ٹاورے تباہ بوتگ-

جارکش ءِ رِد ءَ بی ایل اے ءِ سرمچاراں گوستگیں شپ ءَ کلات شاہ مردان ءَ برجاھیں پوجی پانگسے ءِ سر ءَ مزنیں وتکاریں سلاھاں گوں اُرش کتگ، اُرش ءَ یک پوجی کارمندے ھما دمان ءَ مرتگ ءُ وھدیکہ دژمن ءَ بازیں جانی ءُ مالی تاوان ءِ رستگ –

جارکش ءِ رِد ءَ بی ایل اے ءِ سرمچاراں بلیدہ گردانک ءَ ھم پاکستانی پوج تراکناکیں شوروانی نشانگ جوڈ کتگ، پوج ھما وھد ءَ تراک ناکیں شوروانی نشانگ جوڈ کنگ بوتگ وھدیکہ آ پرپٹانی سر ءَ روگ ءَ بوتگ انت – تراکناکیں شوروانی زد ءَ اتکگیں یک پرپٹے ءَ سواریں دو کارمند ھما دمان ءَ مرتگ انت ءُ آھانی پرپٹ تباہ بوتگ –

بی ایل اے ءِ جارکش ءِ رِد ءَ سرمچاراں یک دگہ کارے کیچ ءِ دمگ دشت ءَ کتگ کہ یک موبائیل ٹاورے مانداشتگ ءُ تباہ کتگ – اے ٹاور ءَ دژمن وتی پوجی نپانی ھاتر ءَ کارمرز کنگ ءَ بوتگ –

جارکش ءِ رِد ءَ بی ایل اے ھرسئیں اُرشانی زمہ واری ءَ منیت ءُ زورگیریں پوج ءِ سرجمی ءَ در آیگ ءَ تاں اُرش برجاہ مان انت –