بلوچ آجوئی لوٹوکیں سلاہ بندیں گل بلوچ لبریشن آرمی ءَ وتی آفیشل سائٹ ءُ ٹیلی گرام چینل “ھکل” ءَ بی ایل اے ءِ سرکماش بشیر زیب بلوچ ءَ بیست ءُ پنچ دمانی تامری کلوہ ءِ شنگ کرتگ – تامری درشان ءِ تہ ءَ گندگ بیت کہ آ ناشناسیں جاھے ءَ کوھے ءِ تہ ءَ نشتگ ءُ پہ بلوچ راج ءَ کلوہ دیگ ءَ انت – تامری کلوہ ءِ تہ ءَ آئی ءَ بی ایل اے ءِ فرنٹ لائن فورس پتھ اسکواڈ ءَ ھوار سَے ٹولی گون انت کہ جتائیں پوشاکانی تہ ءَ پوشاک اَنت-
بی ایل اے ءِ سرکماش بشیر زیب بلوچ ءَ وتی اے یست ءُ پنچ دمانی تامری کلوہ ءِ تہ ءَ جنگ، سلاہ بندیں جھد ءُ میان استمانی کانود، بلوچ زالبولانی جنگ ءِ تہ ءَ ھوار کنگ، زبان ءُ سپارت کاری ءِ بنگپانی سر ءَ تران کتگ –
بشیر زیب بلوچ ءَ وتی تامری کلوہ ءِ تہ ءَ بلوچ راج ءَ کلوہ دیان ءَ گوشتگ کہ بلوچ ءَچیا جنگ ءُ چوپ ءِ راہ زرتگ، راجدپتر وت گش ایت کہ نوآبادی ءِ نزام ءِ کہ بیت نوک آبادی تاکت ءِ کہ بیت چوش کہ مرچی پاکستان انت آ بید ءِ تشدد بید سلاہ بندیں جھد ءَ دگہ زبان ءَ سرپد نہ بیت آ بس زلم ءُ زوراکی ءِ زور ءَ کئیت کبزہ کنت اے نیچرل گپے کہ آ تاکت ءِ زور ءَ کبزہ کنت گڑا ترا تاکت کارمرز کنگی انت ترا توپک زورگی انت آئی ءِ بمب، ٹینک ،توپ، شورھانی دیم ءَ تئی آہ ءُ سلوات، کوکار، نندانک ءُ زھرشانی ھچ کار نہ دار انت، ھچ داشت نہ کن انت – ھما کہ پاکستان ءِ پارلمنٹ ءَ شُتگ انت ھمایاں ھم گوشتگ کہ مئے وس ءُ واک ءَ نہ انت مارا ھچ کس جست نہ کنت – ھما وھد ءَ کہ آ سرکار ءِ تہ ءَ انت آئی ءِ بھر انت آ وھد ءَ نہ گوش انت بلے رند ءَ وت اے گپانی درشانی انت کہ مارا ھچ وس نہ بوتگ آیانی اے گپ ریکارڈ ءِ تہ ءَ ھست انت ءُ ھما کہ سرپیس سیاست کنگ ءَ انت آ ھم گوشگ انت، ھما کہ زھرشانی کنگ ءَ انت آ وت ھم گوشگ انت ءُ ما شما وت ھم گندگ ءَ ایں کہ آیانی ھچ اسر نیست ءُ دژمن وت ھم پدر کنگ ءَ انت مئے بنگپ ءَ مئے نزریہ ءُ پگر ءَ ھما پگر کہ ما گُش ایں کہ تشدد ءَ تشدد ھلاس کنت تاکت ءَ تاکت ھلاس کنت، آئی ءِ وت گوشگ انت وتی کاراں گوں گوشگ انت گڑا اے توپک پہ شوک ءَ ما نہ زرتگ ، مرگ ءُ کُشگ ءِ ھاتر ما شوک ءَ در نہ اتکگیں ءُ اے مئے شوک ءِ نہ انت مئے مجبوری انت ما وتی پھازگ ءَ اے جنگ ءَ کنگ ءَ انت – ھما روچ ءَ کہ گوں تاکت ءَ توپک ءُ زور ءَ گوں اتکگ ما ھما روچ ءَ سرپد بوتگ انت کہ ایشی ءِ گیش ءُ گیوار ھم گوں توپک ءَ بیت – گڑا اے جھد ءَ شمارا کُلاں سرپد بوگی انت ھمے ھاتر ءَ کنگ ءَ انت ھمے ھاتر ءَ دیم ءَ برگ ءَ انت –
https://ok.ru/video/5855175445083
آئی ءَ گوشتگ کہ پد ءَ گپ کئیت سلاہ بندیں جھد ءُ میان استمانی کانود چی یے؟ میان استمانی کانود چی گوشگ ءَ انت؟ ما ھما راجاں ، ھما ڈیھاں مھزب گوشگ انت انسانیت ءِ پلامرز گوشگ انت ھما کُل مرچی مھزب بوتگ انت انسانیت ءِ پلا مرز ءُ جمھوریت پسند اگاں بوتگ انت آ دراہ چہ جنگ ءَ گوستگ انت آ دراہ جنگ ءِ گڈی سیمسراں شتگ انت، آ دراہ سلاہ بندیں جھد ءِ گڈی ھد ءَ شتگ انت کہ مرچی اے جاہ ءَ سر بوتگ انت ءُ ما آ جاہ ءَ سر نہ بوتگ انت ءُ ما آیاں توار پرجن ایں مئے ھیال ءَ اے توار ءِ کسے گوشداروک نہ بیت انت کس اشی ءَ دلگوش نہ دنت اے راستی ئے – ھما توار ءَ گوشدار انت کہ گوں تاکت ءَ گوں جنگ ءِ کنت – مرچی ما بار بار گوش ایں یوکرائن مئے دیم ءَ درور یے – یوکرائن مرچی جنگ کنت، جھد کنت، دیمھونی دنت، وتی شھر ءُ مھلوک ءَ تاوان بار کنت ھمے سوب ءَ مرچی جھان ءِ چم ھمودا انت – مئے کوکار ءُ سلواتانی یک دائرھے بوت کنت بلے آئی ءِ سر ءَ انچو دلگوش دیگ نہ بیت – گڈا مارا ھمے چیز سرپد بوگی انت کہ انسانی کانوداں کہ مرچی ما میان استمانی کانود گوش ایں ما وتی وڈا وتی پگر ھیالاں گوں وتی وھشتانی رِد ءَ دیم ءَ میاریں – پدائی جنگ یک زریئے، گرنیٹ، کلاشن یک زریئے ھروڈیں وڈو ڈول کہ ھست انت آ گوں سلاہ بندیں جھد ءَ بندوک انت جتا نہ انت – اے جتائیں چیز ءِ پیش کنگ مہ بیت اے ھمے جھد ءِ بھرے اشی ءَ کلیں جھان کارمرز کتگ دیما آؤرتگے –
آئی ءَ گوشتگ کہ مارا گوں جنگ نپرت انت ما ھم ایمنی لوٹوکیں مارا ایمنی دوست انت مارا جنگ دوست نہ بیت، ما ایمنی لوٹ ایں بلے یک گپے ھست انت ایمنی جند چہ جنگ ءِ لاپ ءَ در کپیت، کسے گش ایت مزاکرات ما آئی ءَ رد نہ کنیں ما مزاکرات کناں آزاتی سر ءَ وتی ڈیھے سر ءَ اے تچکیں گپے کہ مئے سرڈگار ءَ چہ در بہ ایت ھما مزاکرات ءِ ٹیبل کہ ھست انت آ ھم چہ جنگ ءِ لاپ ءَ درکپیت – ایمنی ءُ مزاکرات چہ ھمودا درکپیت ما ھمیشی ءِ ھاتر ءَ ساڑی انت – ما وتی جنگ ءَ ھما ٹیبل ءَ سرکنگ لوٹ ایں ھمودا کہ ایمنی درکپ ایت ما ھمے چیز ءَ لوٹ ایں ما وت ھمیشی ءَ گوش ایں ءُ آئی ءِ ھاتر ءَ تانکہ مھکمیں ءُ تیزیں جنگ ءِ نہ کرتگ گڑا ھما ٹیبل ترا نسیب نہ بیت – جنگ شریپ ایں وڑے ءَ نہ بیت جنگ مھزبیں وڑے ءَ نہ بیت جنگ وت مھزبیں چیزے نہ انت ،جنگ مئے سر ءَ زور آرگ بوتگ، جنگ ءَ مارا آؤرتگ ءُ ھمے جاہ ءَ سر کتگ ءُ اے جنگ ءَ ما ھلاس ھم ما کن ایں، مارا کنگی انت، ما ھمے گپ ءَ گوش ایں مارا جنگ ھمے زور ءَ گوں آرگی انت کہ مارا جنگ ھمے جاہ ءَ سر کنگی انت کہ پنجاپ، فیصل آباد، لاھور، اسلام آباد، پنڈی، گوجرانوالہ ءِ لس مھلوک در بہ ایت لس مھلوک کوکار بہ کنت ءُ پنجاپ ءُ پاکستانی پوج ءَ بہ گوشیت نوں بلوچستان ءِ تہ ءَ جنگ ءَ ھلاس بہ کن، مارا ھمے جاہ ءَ سرکنگی انت کہ آ بہ گریونت، در بیا انت پاکستانی در بیا انت مئے زھن ءِ تہ ءَ ھمے ھست انت مارا وتی جنگ ھما جاہ ءَ سرکنگی انت کہ اودا ایمنی ٹیبل انت ـ مروچی ما پھمگ ءَ نہ انت پوہ بوگ ءَ نہ انت –
بی ایل اے ءِ سروک بشیر زیب ءَ وتی کلوہ ءِ تہ ءَ گوشتگ کہ بلوچ زالبول جنگ ءِ تہ ءَ چیا ھوار کن انت – سوال ایش انت کہ چیا ھوار مہ کن انت؟ زالبول ءُ مردین ءِ تہ ءَ تپاوت چی انت؟ آھانی مھکمی ھساب ءَ دلیری ءُ تمردی ءِ ھساب ءَ زانت ءُ زانشت ءِ ھساب ءَ تپاوت چی انت – روایتی ءُ رجعت پسندی ءِ بنیاد ءَ اگاں کسے تپاوت داریت – بلے ھما کہ وتارا وانوک ءُ دیمروئی لوٹوک گوشگ انت ھما تپاوت ءَ چیا دار انت ، جینڈر ءِ ابید دگہ چی تپاوت ھست انت؟ پرچا ھمے تپاوت ءَ کنگ ءَ انت – ھما کہ وت ءَ وانندہ ءُ زانتکار گوش انت ھمے زالبول ءِ صلاھیتانی ھمت ءُ بھادری ءَ ایرجنگ ءَ انت – مئے ھمے سوال انت کہ کجام بنیاد ءَ کنگ ءَ انت؟ دومی ھمے گوش انت کہ کہ بلعچ زالبول ءَ ھوار کنگ روایتانی ھلاپ انت مئے جست ھمیش انت کہ کجام روایتانی ھلاپ انت – بلوچ راجدپتر ءَ تہ ءَ کلیں کرداراں ھوار شھید مھراب ھان ءِ لوگبانک کہ بوتگ گنجان بی بی آ آئی ءِ دربار ءِ مشیر بوتگ، ءُ مھراب ھان ءِ کلات میری ءِ سر ءَ کہ اُرش بوتگ آئی ءِ جنگ ءِ تہ ءَ بلاھیں کردے بوتگ – مھراب ھان کہ شھید بوتگ آئی ءَ کلیں مھلوک سمبال اِتگ ھما کہ شھید بوتگ انت گنجان ءَ کل ءُ کسارت کتگ انت ھمے بلوچ ءِ روایت بوتگ انت ھمے مئے ٹکی روایت بوتگ انت ءُ ایندگہ بی بی گل، بانڑی ایندگرانی کلانی کرد ھست انت – اسلامی روایتاں اگاں چارے گڑا اسلامی رویت ءِ تہ ءَ نسیبہ کہ آ سھابی ءِ بوتگ جنگ ءِ تہ ءَ آئی ءِ بلاھیں کردے بوتگ ھما کرد ءِ سوب ءَ حضرت محمد ص ءَ دلیری ءُ تمردی ءِ سوب ءَ اُم حمیرہ پنام آئی ءَ داتگ ءُ دگہ بازینے ءِ اسلام جنگ ءِ تہ ءَ زالبولانی گوستانک ھست انت ءُ جھان ءِ ایندگہ راجاں کہ ما گند ایں ونڈ منڈیلہ کہ جنین ءِ بوتگ سمیرم کرد، لیلی خالد، جمیلہ الجزائری دگہ بازیں بلاہ بلاھیں نام ھست انت کہ آھانی بلاھیں کردے بوتگ –
آئی ءَ گوشتگ کہ مئے بلوچ روایت، اسلامی روایت انسانی روایتانی تہ ءَ زالبولانی تپاوت ءِ نہ بوتگ اے دژمن ءِ ھما پندل انت بژن ھمیش انت کہ دژمن ءِ پروپکنڈہ ءَ اگاں بلوچ ءِ جند زور ایت اگاں جاھے ناں جاھے انسانیت ءِ ٹاہ دیوک زور انت اگاں جاھے ناں جاھے بلوچ آجوئی لوٹوکیں ٹاہ دیوک زور انت دژمن ءِ پروپکنڈھے زد ءَ کائنت کہ ما بلوچ زالبول ءَ استعمال کناں، بلوچ زالبول دیم داریں اے دژمن ءِ پرپکنڈھے، کارمرز کنگ ءُ دیم دارگ دژمن ءِ گپ انت – ما ھمے گوش ایں زالبول ءِ بید جینڈر ءَ دگہ ھچ تپاوت نیست ءُ اے تپاوت تپاوت ءِ نہ انت زالبول مئے ھمراہ انت مئے جھد ءِ بھر انت، جنگ ءِ بھر انت – زالبولانی تمردی، دلیری زانت ءُ سنچ ءِ ھوالہ ءَ گوں مردیناں ھچ تپاوت نیست – اے گپ پدر بوتگ ما پرچا آھاں چاردیوالی ءِ تہ ءَ آھاں بندیگ کن ایں کجام سوچ ءَ کجام پگر، ناپوھی ءُ ناسرپدی ءَ کنگ ءَ انت سوب چی انت – ما ھمے دلیل ءَ دئیں کہ زالبول جنگ ءَ ھوار بوت انت گڈا مئے زالبولاں آوار جن انت – ما ریاست ءِ اھوالکاری درشم ءَ، انسانیت ءِ دروشم ءَ پارلمنٹی، جمھوری سیاست، سپارتی نمائندگی ءِ دروشم ءَ آئی ءِ بیانیہ ءَ پنجاپی ءِ بیانیہ ءَ زورگ انت – پنجاپی ھمے گوشگ انت کہ زالبول ھوار بنت ما زالبولاں آوار جنیں، آ تریٹ کنگ ءَ انت آ وتی ھاتر ءَ ترس ءِ زانگ انت – زالبولانی جھان ءِ تہ ءَ بلاھیں کردے بوتگ انٹلی جنس ءِ دروشم ءَ چاریگی،جنگ، سرپیس سیاست دروشم ءَ بوتگ – آترا ٹریٹ کنگ ءَ انت کہ تو وتی اے دست ءَ کار گرگ ءَ ات زالبول تئی یک دست یے تو آئی ءَ کار گرگائے اشاں ھوار کنگ ءَ ات ما آوار جن ایں ، ما کُش ایں تو پدا ھمائی ءِ گپ ءَ.دیم ءَ برگ ءَ ات تو ھمے بنگپ ءَ دیم ءَ برگ ءَ ات – متلب تو ریاست ءِ ریاستی پروپکنڈہ ءَ گیش کنگ ءَ ات – پرچا؟ اے وا دلیل ءِ نہ انت اے کندوکیں ھبرے – زالبول زرت انت زالبولاں آوار جن انت- آیا باندا نودربر جنگ ءِ تہ ءَ ھوار مہ بنت پرچا کہ نودربراں آوار جن انت، انجنیر، ڈاکٹر، سیاسی باسک، ملا، شائر، استاداں مہ زور انت پرچا کہ آوار جنگ بنت، ٹکی مردم آوار کنگی نہ انت پرچا کہ پد ءَ ٹکانی سر ءَ کریک ڈاؤن کنگ بیت ٹکی مردم آوار جنگ بنت گڑا جنگ کئے کنت؟ جنگ ءَ کئے دیم ءَ بارت –
بی ایل اے ءِ سرکماش ءَ زبان ءِ درگت ءَ گوشتگ کہ مئے زبان بلوچی، براھوئی، جدگالی، کیتھرانی ھمنکس مئے زبان ھست انت کسے کہ مئے زبان ءِ بگیری ءَ گپ جنت، کسے سازش کنت کسے ھلاپ بیت گڑا واجب القتل انت آئی ءِ سزا ھما انت کہ چاریگے ءَ دیگ بیت – کسے مئے کلچر ءِ باروا گپ جنت آئی ءَ مسک کنت آئی ءِ سر ءَ پروپکنڈہ کنت کسے آئی ےِ دروشم بدل کنت من گشاں واجب القتل انت – ھما کہ زبان دوست نہ بیت ھمائی ءَ دودریبدگ دوست نہ بیت آ وتن دوست ءُ راج دوست ءِ نہ بیت – آئی کہ وتن دوست نہ بیت آئی ءَ سرگار کہ وتی دوست نہ بیت گڑا آئی ءِ دود ربیدگ دوستی، زبان دوستی بس پیشدارگ ءُ بٹاک بوت کن انت راستی ناں پرچاکہ تئی زبان تئی ڈگار ءَ بندوک انت، تئی کلچر گوں تئی ڈگار ءَ بندوک انت، سرڈگار کہ نبیت گڑا زبان نہ مانیت کلچر نہ مانیت گڑا بس ھشکیں بٹاک بنت ءُ ما بس بٹاک جن ایں – راستی ءَ مئے دل ءِ تہ ءَ زبان دوستی ءُ کلچر دوستی ھما وھد ءَ بیت کہ ھما ڈگار ءِ ھاتر ءَ جنگ بوگ ءَ انت آ جنگ ءِ بھر بہ ئے، جنگ ءِ بھر بوت نہ کن ئے جنگ ءِ پلا مرزے بہ ئے جنگ ءِ ھمدردے بہ ئے گلامی ءَ نپرت کن ات آزاتی ءِ منوگر بہ ئے اشی ءِ پدریں درور سبا دشتیاری صاحب انت – آ زبان دوست ءِ بوتگ آ کلچر دوستے بوتگ آئی ءَ بس بٹاک نہ جتگ – کلاں گیش آئی ءَ زبان زانتگ کلچر زانتگ، زبان ءِ گوستانک زانتگ، زبان ءِ ھلاس بوگ ءِ سوب زانتگ انت، زبان ءَ زندگ دارگ ءُ دیمروئی دیگ ءِ وڑ ےَ ڈول زانتگ انت بلے آئی ءَ گلامی ءِ ھلاپ ءَ نپرت کتگ جنگ ءِ پلامرزے بوتگ ءُ آئی ءِ گوں وتی ھوناں اے کار پدر کتگ انت – آ کلاں گیش سرپد بوتگ اے گپ ءَ ما چہ وتی نیمگ ءَ کنگ ءَ نہ انت آئی وتی کار پیشدار انت کہ راستی ایش انت ءُ شمارا سرپد بوگی انت – آئی ءَ وتی ھوناں گوں ثابت کتگ کہ من شمارا گوشتگ کہ ھُشکیں بٹاک مہ جن ات بس پیشدارگ مہ بیت کہ ما زبان دوست انت ما کلچر دوست انت ما اشانی روچاں دار ایں، یک روچ ءِ دستارے بندیں، زبان ءِ ھاتر ءَ مراگش ءِ برجم داریں – من ھم ھمے گوشگایاں کہ اشی ءِ ھاتر ءَ سرڈگار ءِ گوم ءَ دوستی ءُ مئے سرڈگارگلام انت گلامی ءِ بگیری ءَ نپرت ءُ نپرت ھوار کہ ھما جنگ بوگ ءَ انت جنگ پلا مرز بوگی انت ءُ جنگ ءَ گوں ھوار بوگی انت، دژمن ءِ گوم ءَنپرت کنگی انت – راستیگیں زبان دوستی ءُ کلچر دوستی گوں ڈگار ءَ بندوک انت –
آئی ءَ گوشتگ کہ انسانی ھکانی ما ٹاہ دئیں، سرپیس سیاست ءِ کن انت ما ھچ انکار نہ کن ایں بلے اے زھن ءِ تہ ءَ بہ بیت کہ مئے ھل جنگ انت ءُ مارا جنگ کنگی انت بید ءِ جنگ ءَ نہ بیت-
بشیر زیب بلوچ ءَ گوشتگ ما سپارت کاری ءِ سادہ سمپل ھمیش انت کہ تو ھما تاکت ءَ سر بہ ئے ءُ ٹیبل ءِ سر ءَ نندے ھمے گوش ئے کہ تو پہ من چی کرت کنے منی مپاداتاں پھریز کرت کنے، منی دژمن ءَ تو جن ئے ءُ ما پہ تو چی کرت کنیں؟ ھما لیول ءَ کائیں اشی ابید ما ھر ھر چیز ءَ سپارت کاری ءِ نام ءَ دئیں – ھما چیزے بہ زیر ءُ چیزے بہ دے پوزیشن ءَ تو نیائے آئی ءَ تو سپارت کاری نہ گوش ئے آئی ءِ تر ءَ کس کمک نہ کنت بلے ھئو تو جھد کن ئے گیش ءَ گیش کسے ترا ھیرات ءِ دات کنت، پنڈگے دات کنت بلے کمک دگہ چیزے کہ ترا ھما وھد ءَ ھما جاہ ءَ کنت اش کہ تو ھما پوزیشن ءَ بیائے تو کہ ھرچی اشاں نام ءَ دئے مئے جند ءِ واھشات بوت کناں مئے جند ءِ آرزو بوت کن انت مئے جند تمنا ءُ واھشت بوت کن انت بلے راستی اے نہ انت راستی ھما کہ ھرجاہ ءَ ھر راج ءِ مئے ھمساھگ بہ بیت یا دوریں دگہ ملکے جمھوریت انسانیت ءَ جتا مئے وتی مپاداتاں بہ زیریت ءُ گپ بہ جنت ھمے سپارت کاری گوشگ بیت ھمیشی ءِ سر ءَ ما گپ جت کنیں وتی مپاداتاں چوں پھریز ایں اشی ءَ ابید گڑا بزاں وت ءَ وتی راج ءَ دھوکہ دیگ ءَ انت –
آئی ءَ گوشتگ کہ بلوچستان ءِ سر ءَ انچو زلم ءُ زوراکی کنگ بوتگ ھماھاں کہ ما مھزب ءُ انسان دوست گوش ایں ھما گپ جت کناں بلے گپ نہ جن انت تان ھما وھد ءَ آھانی مھادت مہ بنت –
بشیر زیب ءَ گوشتگ کہ ما جنگ ءَ مدلل، علمی دروشمے ءَ مھکم کنیں، جھدے ایندگہ بھرانی اھترام ءَ کنیں اشی ءِ سر ءَ زانشتی گپ ءُ باوست ءَ ساڑی ایں کجام چون بنت دلیلاں گوں ما گپ جن ایں –
آئی ءَ گوشتگ کہ ھما اے جنگ ءِ بھر بوتگ انت یا بھر انت ءُ اے کار ءِ ھلاپ انت آ مئے درد سر نہ انت بلے ھما کہ انسانی ھک ، جمھوریت، سرپیس ءِ داواہ ءَ کن انت ا وت ءَ ھم شر زان انت کہ جنگ یکیں راہ انت آ پہ زانت یا نزانتکاری جنگ ءِ ھلاپ مہ بنت ءُ ریاست ءِ بیانیہ ءَ دیم ءَ نہ بر انت –
آئی ءَ گوشتگ کہ آ گوش انت مردم جنگ بوگ ءَ انچو مردم وا گینگ وارے ءِ جنگ بنت ، ریاست چدوگیشتر مردم جنت ءُ مئے سر ءَ چد ءُ گیشتر زوراکی کنت – پاکستان ءِ مئے زالبولانی گوم ءَ ھما وڈ ما اے زوراکیاں بیھال بہ بئیں مئے پدریچ دژمن گوم ءَ ھما وڑ کنت آ ھم وتی درساں بیھال کنت –
آئی ءَ گوشتگ کہ ما وتی وس واک ءَ ھمے جھد ءَ کن ایں کہ لس مردماں تاوان مہ رس ایت ءُ ما بازیں وتی ٹارگٹاں ھمے سوب ءَ گپت نہ کنیں تانکہ مردماں تاوان مہ بیت – ما مرچی ھم ھمے گوش ایں باند ءَ ھم ھمے گوش ایں کہ مئے مسلہ ءِ ھل، راجی آجوئی گرگ جنگ انت بید جنگ ءَ دگہ ھچ نیست –