شال: دو لیویز کارمند تیرآماچ کنگ ءُ کُشگ بوتگ انت

بلوچستان ءِ بنجاھی شھر شال ءَ پشین اسٹاپ ءَ گاڑی ءِ سر ءَ تیرگواری کنگ بوتگ چریشی ءَ دو لیویز کارمند بیران بوتگ انت –

ھالانی رِد ءَ شال ءَ پشین اسٹاپ ءَ سلاہ بندیں مردماں ویگو گاڑی ءِ سر ءَ تیرگواری کتگ – تیرگواری ءَ دو لیویز کارمند بیران بوتگ انت –

تیرگواری ءَ بیران بوتگیں لیویز کارمنندانی پجار سپاھی محمد یوسف ءُ لیویز کارمند ضیاءالدین ناماں چہ بوتگ انت وھدیکہ یک رھگوزیں زھگے ھم تیرانی آماچ بوتگ ءُ زدگ بوتگ کہ آ ھما دمان ءَ نزیکیں نادراھجاہ ءَ برگ بوتگ –

وئیل ءِ درگت ءَ تنی وھدی ھچ وڈیں ھال ءُ ھبر بوگ ءَ نہ انت کہ کجام سوب ءَ اے کارمند کُشگ بوتگ انت پولیس ءُ کانود جوڈ کنوک گیشیں پٹ پول کنگ ءَ انت –